Atlético Madrid yakuyemo Inter Milan kuri penaliti mu gihe Borussia Dortmund yasezeye PSV, zombi zuzaza amakipe umunani azakina 1/4 cya UEFA Champions League uyu mwaka.
Ku kibuga cyayo Signal iduna park Bortmund yatsinze PSV Eindhoven igitego 2-0 bya Jadon Sancho na Marco Reus.
Ku munota wa Gatanu Jadon Sancho yafunguye amazumu ku igitego yatsindiye ku murongo w’urubuga rw’amahina.
Ikipe y’Umutoza Edin Terzić yatsinze igitego cya kabiri, ariko nticyemezwa nyuma y’uko bigaragaye ko Niclas Fullkrug yari yaraririye.
Marco Reus wasimbuye Sancho ku munota wa 72 nyuma yo kuvunika, yatsinze igitego cyashimangiye intsinzi mu minota y’inyongera ubwo yari asigaranye n’umunyezamu Walter Benitez.
PSV yari yabonye uburyo bwinshi bwari gutuma yishyura, burimo ubwabonywe na Hirving Lozano by’umwihariko ndetse na Luuk de Jong.
Undi mukino wabaye muri Espagne, wasize Atlético Madrid ikomeje kuri penaliti 3-2 nyuma yo gutsinda Inter Milan ibitego 2-1, amakipe yombi akanganya 2-2 mu mikino ibiri.
Muri uyu mukino, Dimarco yari yafunguye amazamu ku ruhande rwa Inter Milan ku munota wa 33, ariko Antoine Griezmann na Memphis Depay batsindira ikipe yabo ku wa 35 n’uwa 87, byatumye hashyirwaho indi minota 30 y’inyongera kuko umukino ubanza wari warangiye ari 1-0.
Umunyezamu Jan Oblak yafashije ikipe ye gukomeza, akuramo penaliti ya Alexis Sanchez na Davy Klaassen mbere y’uko Lautaro Martinez atera indi hejuru y’izamu.
Amakipe yageze muri iki cyiciro ni Atlético Madrid, Arsenal, FC Barcelone, Bayern Munich, Manchester City, Paris St-Germain, Real Madrid na Borussia Dortmund.
Tombola ya 1/4, iya 1/2 kugeza ku mukino wa nyuma iteganyijwe ku wa Gatanu, tariki ya 15 Werurwe guhera saa saba.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE