U Rwanda na USA mu bufatanye bw’imishinga y’ubuvuzi y’asaga miliyari 105 Frw  

  • ZIGAMA THEONESTE
  • Ukuboza 9, 2023
  • Hashize amezi 6
Image

Leta y’u Rwanda na Leta zunze ubumwe z’Amerika (USA) ibinyujije mu muryango USAID, bbari mu bufatanye bwo guteza imbere inzego z’ubuvuzi mu Rwanda, bukubiye mu mishinga ibiri ifite agaciro ka miliyoni 85 z’amadori y’Amerika ni ukuvuga angana na miliyari 105,868,350,000.

Ni imishinga ibiri irimo uwiswe USAID Ireme uzamara imyaka itanu  kuva 2023 kugeza 2028, ukazatwara amadolari ya Amerika miliyoni 25, azakoreshwa mu bikorwa byo  kubakwa ibikorwa remezo mu nzego z’ubuzima  no kuzamura urwego rw’imiteangire ya Serivisi  mu rwego rw’ubuvuzi  ndetse no kubakira ubushobozi  izi nzego.

Undi mushinga ni uwiswe USAID Tubeho uzatwara amadolari ya Amerika miliyoni ($60 million), ukazamara imyaka itanu.

USAID Ireme yatangiye tariki 3 Kanama 2023, ukazageze tariki ya 02 Kanama 2028 hakorwa ibikorwa byo kuzamura urwego rw’ubuzima birimo kurwanya Malaria no kubaka inzego zihamye z’ubuzima.

Ikindi kandi uyu mushinga uzibandaho harimo guhangana n’ibibazo by’abana bapfa bavuka ndetse n’abagore bapfa babyara.

Ni igikorwa cyatangijwe i Kigali, kuri uyu wa Gatanu tariki ya 8 Ukuboza 2023

Minisitiri w’ubuzima Dr Nsanzimana Sabin yagaragaje ko Leta y’u Rwanda yizeye ko iyi mishinga izateza imbere urwego rw’ubuvuzi kandi ikanagabanya imfu z’abana bapfa bavuka ndetse n’abagore bapfa babyara.

Yagize ati: “Ni imishinga ibiri igiye gusubiza, ibibazo umushinga wa mbere ni ugiye gusubiza ibibazo by’ababyeyi n’abana, umushinga wa kabiri ni uwo guhugura abari mu nzego z’ubuzima cyane cyane abakora kwa muganga harimo kubaka sisitemu z’ubuzima”.

Yakomeje agira ati: “Dufite abaganga bahabwa amahugurwa bari inzobere mu buzima, ababyaza n’abandi kugira ngo tuvure abantu mu buryo bwiza”.

Ambasaderi wa USA mu Rwanda Eric W. Kneedler yavuze ko nk’igihugu ahagarariye cyishimiye ko ubu bufatanye buzateza imbere ubuvuzi kandi bikanashimangira ubufatanye hagati y’ibihugu byombi.

Yagize ati: “Iki ni igikorwa dukoze kugira dukomeze kubaka inzego z’ubuzima ariko no gufasha Leta y’u Rwanda gushyira mu bikorwa intego z’iterambere y’ihaye, kandi amafaranga tuzashyira muri uyu mushinga azanashimangira ubwubahane ndetse n’ikizere ku mpande zombi”

Minisiteri y’Ubuzima (MINISANTE) kandi yavuze ko binyuze muri iyi mishinga bazahugura inzobere mu buvuzi ku gutanga servisi zo ku rwego rwo hejuru.

Ni imishinga kandi MINISANTE ivuga ko ije no kuzamura urwego rw’ikoranabuhanga mu buvuzi, aho hazatangwa uburyo bw’itumanaho aho abarwayi bazashobora guhamagara umuganga ku buryo bahita bahabwa ubutabazi mu ngo, mu gihe bibaye ngombwa.

USAID ifatanyije n’umushinga Ji Jhpiego igaragaza ko mu bufatanye n’u Rwanda ifite intego yo gushyigikira intego z’iterambere rirambye mu cyerekezo cy’u Rwanda 2050 mu rwego rwo guteza imbere urwego rw’ubuvuzi aho Abanyarwanda bose bazaba bahabwa ubuvuzi na sirivisi nziza kandi mu buryo bworoshye.

  • ZIGAMA THEONESTE
  • Ukuboza 9, 2023
  • Hashize amezi 6
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE