Tennis: Carlos Alcaraz yegukanye French Open ya mbere 

Umunya- Espagne Carlos Alcaraz yegukanye Irushanwa rya French Open mu bagabo nyuma yo gutsinda Umudage Alexander Zverev amaseti 3-2 (6-3 2-6 5-7 6-1 6-2), iba French Open ya mbere atwaye mu mateka ye.

Uyu mukino wa nyuma wabaye kuri iki Cyumweru tariki 9 Kamena 2024, kuri Court Philippe Chartier i Paris mu Bufaransa. 

Carlos Alcaraz yatangiye neza umukino yegukanye iseti ya mbere atsinze Alexander Zverev 6-3. 

Mu iseti ya kabiri Alexander Zverev yagarukanye imbaraga nyinshi maze yegukana iyi seti atsinze Alcaraz amanota 6-2. 

Mu iseti ya gatatu Alexander Zverev yakomeje gukora maze Carlos yegukana iyi seti atsinze amanota 7-5.

Mu iseti ya kane Carlos yagarukanye imbaraga nyinshi maze yegukana iyi seti ku manota 6-1.

Nyuma yo kuganya amaseti 2-2 hitabajwe  seti ya nyuma yagomba kugaragaza uwegukana igikombe.

İyi seti yegukanywe na Carlos nyuma yo gutsinda Alexander amannota 6-2 ahita yegukanye French Open ye ya mbere mu mateka ku myaka 21.

Carlos yegukanye Grand Slam ya 3 harimo Roland Garros ya mbere yongereye kuri Wimbledon yegukanye mu 2023 na US Open yatwaye mu 2022.

Alacaraz abaye umukinnyi ukiri muto (imyaka 21) utwaye Grand Slams 3 ku bwoko 3 butandukanye bw’ibibuga ( hard court, grass and clay). 

Umudage Zverev yatakaje finali ya kabiri ya Grand Slam nyuma ya US Open 2020.