Sunny Niyomugabo yagizwe umutoza mukuru wa Patriots BBC

Sunny Niyomugabo Munyandamutsa yagizwe Umutoza Mukuru wa Patriots BBC asimbuye Henry Mwinuka werekeje muri Tigers BBC.

Sunny Niyomugabo yari asanzwe ari Umutoza wungirije wa Patriots BBC itozwa na Henry Mwinuka.

Yabaye kandi umukinnyi na kapiteni wa Patriots BBC kuva mu 2014 ubwo yashingwaga. Yananyuze mu makipe arimo KBC na APR.

Ni inshuro ya kabiri Patriots BBC igiye gutozwa n’Umunyarwanda uheruka ni Karima Cyrille mu 2014.

Umwaka ushize wa 2024 Patriots BBC yatwawe igikombe cya shampiyona na APR BBC itsinzwe imikino 4-2 muri kamparamaka.

Patriots BBC izatangira shampiyona ku wa Gatanu tariki 24 Mutarama 2025, yakira Azomco BBC saa kumi n’ebyiri muri Lycée de Kigali.