Sudani: Ingabo za Sudani zanze agahenge mu gisibo cya Ramadan

Umuyobozi wungirije w’ingabo za Sudani, Gen. Yasser Al-Atta, yatangaje ko ingabo ze nta gahenge zizaha ingabo z’abatabazi za RSF muri iki gisibo gitagatifu cy’Abayisilamu cya Ramadan keretse zivuye mu bice by’abasivili zafashe.  

Arab News yatangaje ko hashobora kubaho imirwano keretse RSF yubahirije amasezerano yagiranye n’ingabo z’igihugu muri Gicurasi umwaka ushize mu biganiro byo muri Arabiya Sawudite ndetse n’ibyabereye muri Amerika.

Amakimbirane akomeje gushinga imizi hagati y’ingabo za Sudani n’ingabo z’abatabazi (RSF), zivuga ko zigaragaza imiterere nyakuri ya politiki y’igihugu.

Amakimbirane hagati y’ingabo na RSF yadutse hagati muri Mata 2023, yatewe n’ubwumvikane buke hagati yo guha ubutegetsi igisivili n’igisirikare.

Kuva icyo gihe imirwano yaradutse mu gihugu, abaturage bava mu byabo ndetse n’ibikorwa remezo birangirika.

Abahuza mu biganiro by’amahoro barimo Umuryango w’Abibumbye ndetse n’Amerika, bamaganye ihohoterwa muri iki gihugu basaba impande zose gushyira imbere amahoro n’ubutabazi.