Sitting Volleyball: Ikipe y’igihugu y’abagore yabonye itike ya Paralempike Paris 2024

  • SHEMA IVAN
  • Gashyantare 3, 2024
  • Hashize ibyumweru 3
Image

Ikipe y’igihugu y’abagore mu mukino wa sitting Volleyball yegukanye Shampiyona Nyafurika ndetse ibona itike yo gukina mikino Paralempike ya Paris 2024 nyuma yo gutsinda Kenya ku mukino wa nyuma wa shampiyona nyafurika amaseti 3-0 ku mukino wa nyuma.

Uyu mukino wabaye kuri uyu wa Gatandatu tariki 3 Gashyantare 2024 i Lagos muri Nigeria ahaberaga iyi mikino.

Muri uyu mukino wa nyuma ikipe y’igihugu yatangiye neza iseti ya mbere irusha cyane Kenya maze igira amanota 25-12.

Mu iseti ya kabiri ikipe y’igihugu yakomeje kwitwara neza nayo iyitsinda ku manota 25-14.

Iseti ya gatatu ikipe y’igihugu ya Kenya  ntiyoroheye u Rwanda Ariko bakomeza kwihagaraho maze u Rwanda ruyitsinda amanota 25-21.

Umukino warangiye U Rwanda rutsinze Kenya amaseti 3-0 rubona itike yo gukina Imikino Paralempike izabera i Paris hagati ya Kanama na Nzeri 2024.

Ni inshuro ya gatatu yikurikiranya u Rwanda rubonye itike y’Imikino Paralempike muri iki cyiciro.

Mu guhatanira umwanya wa gatatu mu bagabo ikipe y’igihugu y’u Rwanda yatsinze Algeria amaseti 3-0(25-18, 25-12, 25-16).

  • SHEMA IVAN
  • Gashyantare 3, 2024
  • Hashize ibyumweru 3
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE