Shifra Hozambe abangamiwe no kwamamara adafite amafaranga

Umukobwa witwa Maria Mutoni wamamaye cyane nka Shifra mu ndirimbo Hoozambe ya Mudra D Viral yafatanyije na D Star, yahishuye ko abangamiwe no kwamamara adafite amafaranga.

Yabigarutseho mu kiganiro yagiranye n’imwe muri televiziyo zo muri Uganda, avuga ko kwamamara kwe ntacyo byigeze bihindura mu buzima bwe.

Yagize ati: “Kwamamara kwanjye ntacyo byahinduye mu buzima bwanjye ahubwo mbangamiwe no kuba naramamaye nta mafaranga ngira, ahantu ngeze hose nsanga banzi, guhaha mu masoko asanzwe n’ikibazo, no gutega imodoka bisanzwe, byose bigendana no kumpenda.”

Shifra avuga ko iyo yigendeye nk’ibisanzwe hari igihe abantu bamwirundaho hakaba igihe anakererewe aho yari agiye.

Hashize amezi agera kuri atanu Shifra abaye ikimenyabose abikesha kugaragara akora amashusho n’umusore babyina indirimbo yitwa Hozambe, agasakara hirya no hino ku mbuga nkoranyambaga