CAN 2023: Senegal na Cameroon mu itsinda rimwe

CAN 2023: Senegal na Cameroon mu itsinda rimwe

Tombola y’uburyo amakipe azaba agabanyije mu matsinda y’Igikombe cya Afurika cya 2023 kizabera muri Cote D’Ivoire umwaka utaha, yasize Senegal ifite igikombe giheruka cya 2021 iri kumwe na Cameroon, Guinea na Gambia mu itsinda C.

Iyi tombola igaragaza uko amakipe y’ibihugu azahura yabaye ku mugoroba wo kuri uyu wa Kane tariki 12 Ukwakira 2023, Abidjan muri Cote D’Ivoire mu gihe habura amezi atatu kugira ngo iri rushanwa rikomeye muri ruhago y’Afurika ritangire.

Tombola yashyize Cote D’Ivoire izakira iri rushanwa mu itsinda A hamwe na Nigeria, Guinea Equatorial na Guinea- Bissau.

Senegal ifite igikombe giheruka iri kumwe na Cameroon, Guinea na Gambia mu itsinda C.

Tanzania, DR Congo, Zambia na Morocco byisanze muri itsinda F.

Igikombe cy’Afurika cya 2023 kizabera muri Cote D’Ivoire kuva ku itariki 13 Mutarama kugeza 11 Gashyantare 2024, mu mijyi Itanu irimo, Abidjan, Bouake, Korhogo, Yamoussoukro na San Pedro.

Amakipe abiri ya mbere muri buri tsinda mu matsinda atandatu n’andi ane ya gatatu yitwaye neza, ni yo azabona itike yo gukomeza muri 1/8.

Umukino ufungura irushanwa uzahuza Cote D’Ivoire na Guinea- Bissau tariki 13 Mutarama kuri Alassane Quattara Stadium mu murwa mukuru Abidjan.

Uko amatsinda ya CAN 2023 ateye

Itsinda A: Cote D’Ivoire, Guinea Equatorial, Guinea-Bissau na Nigeria

Itsinda B: Mozambique, Cape Verde, Ghana na Misiri

Itsinda C: Guinea, Gambia, Cameroon na Senegal

Itsinda D: Angola, Mauritania, Burkina Faso na Algeria

Itsinda E: Afurika y’Epfo, Namibia, Mali na Tunisia

Itsinda F: Zambia, Tanzania, DR congo na Morocco.

SHEMA IVAN

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Nigeria: Abantu 24 bapfiriye mu mpanuka y’ubwato bagiye gushyingura 22 Ugushyingo 2026 Saa 13:06
  2. Iran yarashe ibirindiro bya Amerika muri Bahrain 22 Ugushyingo 2026 Saa 12:40
  3. Kigali: Ibigo byigisha imyuga byasabwe gukumira ibidindiza ireme ry’uburezi 22 Ugushyingo 2026 Saa 07:43
  4. Korali Amazing Grace yasubiyemo indirimbo ‘Ibuye Rizima’ 21 Ugushyingo 2026 Saa 23:32
  5. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19