Sena yemeje Rubingisa, Dr Usengumukiza na Barore ku myanya mishya bashyizweho

  • NYIRANEZA JUDITH
  • Ukuboza 21, 2023
  • Hashize amezi 2
Image

Komisiyo ya Politiki n’Imiyoborere yagejeje ku Nteko Rusange ya Sena  raporo  hagamijwe kwemeza ishyirwa mu myanya ry’abayobozi baherutse gushyirwa mu myanya harebwa ko bujuje ibisabwa, ari bo Guverineri w’Intara y’Iburasirazaba Rubingisa Pudence, Umuyobozi Mukuru Wungirije w’Urwego rw’Igihugu rw’Imiyoborere RGB na Barore Cleophas wagizwe Umuyobozi Mukuru w’Ikigo cy’Igihugu cy’Itangazamakuru RBA.

Aba bayobozi bemejwe nyuma yo gusuzuma dosiye ya buri wese aharebwe ku mwirondoro we ndetse  n’ibiganiro bagiranye na Komisiyo, byagaragaje ko bafite ununararibonye  mu kazi kandi bujuje ibisabwa.

Guverineri Rubingisa yavuze ko amenyereye Iburasirazuba, akomoza ku bibazo bikomereye iyo Ntara anagaragaza ingamba z’uko azabyibandaho bigakemurwa, azareba uko hakomeza kwimakazwa imibarire y’abantu, kurushaho gufatanya n’abafatanyabikorwa ngo amahirwe ahari abyazwe umusaruro, guhindura imyumvire y’abaturage mu bijyanye n’ubuhinzi n’ubworozi n’ibindi.

Yagiriwe inama zirimo gushyira imbaraga mu gukurikirana imishinga iri mu Ntara y’Iburasirazuba ngo igere ku byo yitezweho, kwiga ku masoko mpuzamipaka, kwita ku kibazo cy’abangavu baterwa inda, guteza imbere urubyiruko binyuze mu bukangurambaga, nibura buri murenge ukaba ufite TVT,  kwita ku bibazo by’ubutaka, kunoza imitangire ya serivisi no  kwimakaza gukorera ku gihe.

Rubingisa Pudence yari asanzwe ari Meya w’Umujyi wa Kigali.

Dr Usengumukiza Felicien Umuyobozi Mukuru Wungirije wa RGB,  aziya, azakurikirana gahunda z’ubushakashatsi, kunganira Umuyobozi Mukuru  w’Urwego ngo bakomeze guteza imbere inshingano z’ikigo n’ibindi.

Umuyobozi Mukuru Wungirije wa RGB, Dr Usengumukiza Felicien

Yari asanzwe ashinzwe urwego rw’ubushakashatsi no kwishakamo ibisubizo muri RGB.

Yagaragarije Komisiyo aho azashyira imbaraga harimo kuzafatanya n’abandi kuvugurura uburyo ubushakashatsi bwakorwaga hongerwamo udupimo duto duto, gukora ku buryo abaturage babasha gusobanukirwa ibijyanye n’ibipimo  akazaba umusemburo wo kubizamura.

Inama yagiriwe ni ugushyira imbaraga mu kwandikisha ibyo kwishakamo igisubizo birimo umuganda, umushyikirano, ubudehe, umwiherero, n’ibindi.

Umuyobozi Mukuru wa RBA, Barore Cleophas umaze imyaka 28 akora mu itangazamakuru muri icyo kigo, akazahuza akanayobora ibikorwa byose by’urwo rwego, gushyira mu bikorwa ibyemezo by’ubuyobozi by’urwo rwego, akaba yari asanzwe ari umujyanama mukuru w’umuyobozi mukuru w’uru rwego.

Yashimiye ko yahawe inshingano zikomeye ariko ko azakora ibishoboka ngo urwego rw’itangazamakuriu rwuzuze inshingano.

Azakomeza gushyira imbaraga muri serivisi za radiyo, guharanira ko abaturage babona amakuru yizewe kandi aziye igihe, ntibahe icyuho ngo habeho ibihuha, kubaka imikorere ishingiye ku ikoranabuhanga, kongerera radiyo z’abaturage gutangaza amakuru yuzuye kandi yujuje ubuziranenge, guha imbaraga imbuga nkoranyambuga, kunoza imikoreshereze y’ururimi ry’Ikinyarwanda no kunoza imivugire

Inama yagiriwe harimo kurushaho guteza imbere rururimi rw’Ikinyarwanda, kugira uruhare mu kurwanya ingengabitekezo ya Jenoside, gutanga amakuru ku mbuga abakoresha izo mbuga bagasubizwa vuba, gukomeza gusigasira icyizere abaturage bafitiye telefone na Radiyo by’igihugu.

Abasenateri batandukanye bafashe ijambo bagaragaje ubunararibonye bw’abayobozi bagombaga kwemezwa ku myanya baherutse gushyirwaho, ubumenyi n’umurava bitanga icyizere ko imirimo bahawe bazayishobora kandi bazatanga umusaruro ufatika.

Umuyobozi Mukuru wa RBA, Barore Cleophas
  • NYIRANEZA JUDITH
  • Ukuboza 21, 2023
  • Hashize amezi 2
TANGA IGITEKEREZO
lg says:
Ukuboza 27, 2023 at 11:10 am

Hali ibintu inteko ishinga amategeko yu Rwanda cyangwa Gouvernement yu Rwanda ikwiye kubaza inteko ishinga amategeko yu Burundi kumagambo yatangarijwe mu nteko yabo kuko ubona u Burundi buli mumujyo umwe nabashinja u Rwanda ubwicanyi kubera uko babona igihugu gikora ibya bananiye dore uko umwe yabajije nigisubizo ibyo bintu byarambabaje ndi umuturage usanzwe aliko Leta ikwiye gusaba ibisobanuro umwe ati mu Rwanda baradutaye dukwiye kujyayo kwiga uko babikora mubanyereza umutungo wa Rubanda igisubizo cyukuriye inteko mubyumve neza ati mu Rwanda unyereje umutungo wigihugu baramwica ntamikino ihali ati none natwe mushakako abayanyereza tubica!! muvuge niba alibyo mushaka !! ubuyobozi bwu Rwanda bukwiye gusaba ibisobanuro kuli ibyo bintu u Burundi bukereka abishwe kubera ibyo kuko undi ubyumva bivugirwa mu nteko nabanyacyubahiro bayibamo yumva ndetse nandi mahanga yumva ko ibyavuzwe ali ukuri mbaye mbashimiye

Andika igitekerezo

AMATEGEKO AGENGA IYANDIKA RY'IGITEKEREZO CYAWE