Rolland Courbis wakiniye Olympique de Marseille na AS Monaco yitabye Imana

Umufaransa Rolland Courbis wakiniye amakipe arimo Olympique de Marseille na AS Monaco yitabye Imana ku myaka 72.

Iyi nkuru y’akababaro yamenyekanye kuri uyu wa Mbere, tariki ya 12 Mutarama 2026.

Nk’umukinnyi, Courbis yatwaye ibikombe bitatu bya Shampiyona y’u Bufaransa birimo icyo mu 1972 yegukanye ari muri Marseille na bibiri yatwariye muri Monaco [1978,1982].

Courbis yanabaye umutoza aho yamaze imyaka ibiri muri Marseille, ndetse yanatoje amakipe arimo Toulon, Toulouse, Bordeaux na Montpellier mbere yo gusoza uyu mwuga muri Caen mu 2019.

Kuva muri uwo mwaka, Courbis yari umusesenguzi w’imikino kuri Radiyo na Televiziyo yitwa RMC.