RDF yinjije abasirikare bashya mu ngabo zirwanira ku butaka 

  • NTAWITONDA JEAN CLAUDE
  • Ukuboza 9, 2023
  • Hashize amezi 6
Image

Kuri uyu wa Gatandatu, ubuyobozi bw’Ingabo z’u Rwanda (RDF) bwakiriye abasirikare bashya basoje icyiciro cy’imyitozo ya gisirikare y’amezi arindwi, mu Kigo cy’imitozo y’ibanze ya gisirikare cya Nasho mu Karere ka Kirehe. 

Abo basore n’inkumi bagaragaje ubuhanga n’ubumenyi bungukiye muri ayo mahugurwa harimo ubujyanye no gukoresha intwaro zitandukanye, imyitozo njyarukamba n’ubundi bumenyi mbere yo kwinjizwa mu ngabo. 

Umuhango wayobowe n’Umugaba Mukuru w’Ingabo z’u Rwanda Lt Gen Mubarakh Muganga, wahagarariye Perezida wa Repubulika akaba n’Umugaba w’Ikirenga Paul Kagame. 

Mu butumwa yagejeje ku basoje amasomo, Lt. Gen. Muganga yashimiye abinjiye mu Ngabo biyemeje kurinda igihugu cyabo.

Yagize ati: “Mu izina ry’Umugaba w’Ikirenga n’Umuryango wa RDF muri rusange, nifatanyije namwe mu munezero w’iyi ntambwe muteye. Ubumenyi mwaboneye hano buzabafasha kubahiriza inshingano za RDF kandi buzabafasha kugaragaza ikibyabupfura.”

Yakomeje agira ati: “Turabashimira ko mwahisemo RDF kugira ngo murinde Igihugu cyanyu.”

Kwinjiza abasirikare bashya mu Ngabo z’u Rwanda bigize gahunda ijyanye no kubaka  ubushobozi bw’ibikorwa bya gisirikare.

  • NTAWITONDA JEAN CLAUDE
  • Ukuboza 9, 2023
  • Hashize amezi 6
TANGA IGITEKEREZO
UZABUMWANA JEAN PAUL says:
Ukuboza 10, 2023 at 12:56 am

Ni byiza cyane peu!! Twishimira ko turinzwe namwe basirikare!!!✅🤝🤝👏👏👏👏

Frank ntwaliyase says:
Ukuboza 10, 2023 at 7:08 am

Bazabaha akaruhuko basure imiryango ryari

Andika igitekerezo

AMATEGEKO AGENGA IYANDIKA RY'IGITEKEREZO CYAWE