Umuyobozi Mukuru ushinzwe imikoranire y’abasivile n’abasirikare mu Ngabo z’u Rwanda, Colonel Désiré Migambi Mungamba, ku wa Gatanu yagiranye ikiganiro n’urubyiruko rw’abahungu n’abakobwa 477 bafite imyaka iri hagati ya 15 na 17.
Ni urubyiruko rwitabiriye Icyumweru cy’Impano z’Imikino ku rwego rw’igihugu (Isonga National Sports Talent Week), cyateguwe kuva tariki ya 16 kuzageza ku ya 22 Ukuboza 2025.
Iki gikorwa kigamije kurera no kumenya impano z’imikino zigaragaza hirya no hino mu gihugu.
Iri ni itegurwa rya kabiri ry’iyi gahunda y’imikino ku rwego rw’igihugu, rikorwa mu mashuri yatoranyijwe yakira abanyeshuri bacumbikirwa muri buri Karere, mu gihe ikigo nyamukuru cy’igihugu giherereye kuri Groupe Scolaire Officiel de Butare mu Karere ka Huye.
Iyi gahunda igamije gutanga urubuga mu guteza imbere impano binyuze mu myitozo ihanitse, amarushanwa no kumenyekanisha impano ku rwego rw’igihugu.
Igikorwa gifite insanganyamatsiko igira iti “Umurage w’Urubyiruko mu Kurinda no Kubohora Igihugu,” cyibanda ku kumenya impano mu gihugu hose, gushyiraho amahugurwa ahuriweho ku rwego rw’Uturere, no kongerera ubumenyi n’ubushobozi abarimu b’imikino n’abatoza bo mu nzego z’ibanze.
Amafoto: RDF
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE