Rayon Sports yasinyishije amasezerano y’imyaka ibiri myugariro Omar Gningue wari Kapiteni w’Ikipe ya As Pikine yo mu cyiciro cya mbere muri Sénégal.
Ibi byemejwe na Rayon Sports ku mugoroba wo kuri uyu wa Gatanu tariki 5 Nyakanga 2024 binyuze ku mbuga nkorambaga zayo.
Uyu musore wari ugifite amasezerano muri iyi kipe, Rayon Sports yishyura ibihumbi 25 by’amadolari y’Amerika kuri uyu myugariro waje mu Ikipe y’Umwaka muri senegal.
Uyu myugariro wo hagati akaba asanze abandi bakinnyi iyi kipe yaguze nka Fitina Omborenga warekuwe na APR FC, Richard Ndayishimiye wavuye muri Sunrise, Niyonzima Olivier Seif wakinaga muri Kiyovu Sports, Rukundo Abdul Rahman wavuye mu Ikipe y’Amagaju ndetse n’abandi.
Iyi kipe kandı yatangiye imyitozo kuri uyu wa Gatanu itegura umwaka w’imikino 2024/2025.
Ntagihindutse, Rayon Sports mu cyumweru gitaha izatangaza umutoza mukuru n’uwungirije.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE