Nyamasheke: Umumotari Manzi yishwe n’abataramenyekana

  • BAHUWIYONGERA SYLVESTRE
  • Werurwe 27, 2024
  • Hashize ibyumweru 4
Image

Umumotari Manzi Eric w’imyaka 19, wabanaga n’ababyeyi be mu Mudugudu wa Rukaragata, Akagari ka Kagarama, Umurenge wa Mahembe mu Karere ka Nyamasheke yishwe n’abataramenyekana.

Nyakwigendera bigaragara ko bamuteraguye ibyuma, banamukubita ikintu mu mutwe, umurambo bawujugunya muri rigole y’ahitwa kuri Dawe uri mu ijuru mu Karere ka Karongi.

Amakuru Imvaho Nshya yahawe n’umwe mu bamotari bakoranaga na nyakwigendera, avuga ko mu ma saa mbiri z’ijoro zo ku wa M bere tarikiya 25 Werurwe, ubwo yari ari kumwe na bagenzi be ku iseta yo ku Mugonero, yababwiye ko hari umuhamagaye kuri Ngoma ngo ajye kumutwara, ahita agenda.

Ngo ntibamenye niba yarishwe ajyayo cyangwa avayo, kuko abamwishe umurambo bawujugunye ucuritse muri rigole y’ikorosi ry’umuhanda wa kaburimbo Nyamasheke- Karongi, mu Kagari ka Ngoma, Umurenge wa Gishyita, Akarere ka Karongi ahazwi nko kuri Dawe uri mu ijuru, hafi y’ikiyaga cya Kivu akaba yari amaze umwaka atangiye akazi k’ubumotari.

Ati: “Byamenyekanye ari uko umucuruzi wa hano ku Mugonero yatahaga anyuze inzira y’igiturage, akabona abasore 2 bari gusunika moto, yaka na kontake zirimo, ababajije ikibazo bagize kugira ngo basunike moto batyo, aho kumusubiza barayita bariruka.”

Avuga ko uwo mucuruzi yayibonye akayimenya, agasanga ari iy’umucuruzi mugenzi we uyu musore yatwaraga ayishyura make make, ahamagara nyira yo, abaturage, abayobozi n’inzego z’umutekano bahageze bakurikirana inzira abo basore bari bayinyuranyemo, ibahingutsa kuri kaburimbo.

Bakomeje kuzamuka berekeza mu gice cy’Akarere ka Karongi, babona umurambo wa nyakwigendera muri rigole ufite ibikomere by’ibyuma umubiri wose, n’ikindi mu gahanga bigaragara ko ari nk’inyundo, umutarimba cyangwa ikindi kintu yakubiswe.

Ati: “Ikigaragara ni uko bashakaga kumwambura moto kuko telefoni ze 2 zigendanwa yari afite, n’amafaranga babimusanganye, nta kindi kigaragara bamutwaye keretse ahari icyaba kitamenyekanye kizagaragazwa n’iperereza.”

Umurambo wahise ujyanwa mu bitaro bya Mugonero gukorerwa isuzuma rya muganga.

Umuvugizi wa Polisi mu Ntara y’Iburengerazuba SP Karekezi Twizere Bonaventure, yemeje aya makuru avuga ko iperereza ryatangiye ngo ababikoze batabwe muri yombi.

Ati: “Ni byo ayo makuru ni ukuri. Iperereza ryatangiye kugira ngo ababigizemo uruhare bose batabwe muri yombi, babiryozwe.”

Yihanganishije umuryango wabuze uwawo, awizeza ko Polisi iri gukora ibishoboka byose ngo ababigizemo uruhare bose, mu gihe gito bafatwe bashyikirizwe ubutabera, kandi ko itazihanganira umuntu wese uvutsa undi ubuzima.

Bibaye mu gihe n’ubundi muri aka Kagari haherutse kwicirwa umugore Mukashema Dorothée w’imyaka 53 wabaga mu rugo wenyine, bamusanze mu gikoni atetse, bakamutwara ibirimo amafaranga 124.000 na telefoni ye igendanwa, icyakora 7 mu bakekwa bakaba barafashwe, n’iyo telefoni umwe arayifatanwa, nk’uko Polisi y’Igihugu ikorera mu Ntara y’Iburengerazuba yabitangarije Imvaho nshya.

  • BAHUWIYONGERA SYLVESTRE
  • Werurwe 27, 2024
  • Hashize ibyumweru 4
TANGA IGITEKEREZO
Fayida says:
Werurwe 27, 2024 at 2:31 pm

Nihanganisije
Umuryango
Wanya
Kwigendera
Bakomeze
Kwihangana
Ariko
Abobantubabi
Gizemo
Uruhare
Bakurikiranwe
Nibafatwa
Bayozwe
Ibyobyahabakoze
Babihanirwe
Kukoburiya
Sumuntu
Umwe
Wenyine kuko
Wasanga
Harinahandi
Babikora
Nibafatwa
Bababaze
Niba
Harahandi
Babikoze.

MUHAWENIMANA Marie says:
Werurwe 27, 2024 at 2:38 pm

Leta yurwanda turayizeye icyotuzineza nuko batakemera abamena amaraso icyo twasaba nuguhanirwa muruhame

Niyitegeka samuel says:
Werurwe 27, 2024 at 10:00 pm

Nihanganishije umuryango wabuze umwana wabo natwe murirusange, naho
Abagizi banabi nibakurikiranwe nibafatwa babiryozwe kandi bazahanwe
Byinangarujyero kandi twizeyeko inzegozumutekano wacu zizabafata.

Niyitegeka samuel says:
Werurwe 27, 2024 at 10:00 pm

Nihanganishije umuryango wabuze umwana wabo natwe murirusange, naho
Abagizi banabi nibakurikiranwe nibafatwa babiryozwe kandi bazahanwe
Byinangarujyero kandi twizeyeko inzegozumutekano wacu zizabafata.

Niyitegeka samuel says:
Werurwe 27, 2024 at 10:00 pm

Nihanganishije umuryango wabuze umwana wabo natwe murirusange, naho
Abagizi banabi nibakurikiranwe nibafatwa babiryozwe kandi bazahanwe
Byinangarujyero kandi twizeyeko inzegozumutekano wacu zizabafata.

Niyitegeka samuel says:
Werurwe 27, 2024 at 10:00 pm

Nihanganishije umuryango wabuze umwana wabo natwe murirusange, naho
Abagizi banabi nibakurikiranwe nibafatwa babiryozwe kandi bazahanwe
Byinangarujyero kandi twizeyeko inzegozumutekano wacu zizabafata.

Niyitegeka samuel says:
Werurwe 27, 2024 at 10:00 pm

Nihanganishije umuryango wabuze umwana wabo natwe murirusange, naho
Abagizi banabi nibakurikiranwe nibafatwa babiryozwe kandi bazahanwe
Byinangarujyero kandi twizeyeko inzegozumutekano wacu zizabafata.

Niyitegeka samuel says:
Werurwe 27, 2024 at 10:00 pm

Nihanganishije umuryango wabuze umwana wabo natwe murirusange, naho
Abagizi banabi nibakurikiranwe nibafatwa babiryozwe kandi bazahanwe
Byinangarujyero kandi twizeyeko inzegozumutekano wacu zizabafata.

Isimbi samwera says:
Mata 3, 2024 at 8:23 pm

Umuryango wa nyakwigendera wihangane Gs abobagizibanabi bakurikiranwe nibafatwa bahawe byintangarugero

Andika igitekerezo

AMATEGEKO AGENGA IYANDIKA RY'IGITEKEREZO CYAWE