Muri Isiraheli igitutu cyagabanyutse Gaza yo biracyari ikibazo

  • NYIRANEZA JUDITH
  • Mata 15, 2024
  • Hashize ukwezi 1
Image

Isiraheli iracyari maso, nyuma y’amasaha arenga 24 nyuma y’igitero cyagabwe na Irani ku butaka bwa Isiraheli. Kuri uyu wa Mbere, 15 Mata, abayobozi ba Isiraheli batangaje ko hafunguwe amashuri mu bice byinshi by’igihugu. Igitutu rero cyagabanyutse mu gihugu kandi ingufu mu bijyanye n’intambara zikomeje kwibanda kuri Gaza.

Byashimangiwe n’umunyamakuru wacu i Yerusalemu, Sami Boukhelifa, nyuma y’uruhererekane rw’ibitero, Irani yagize iti: “Dushobora kuyirekera aho”. Kandi Washington isobanurira Isiraheli iti : “Nta kibazo cyo kujya kure”.

Ibi bihugu ntibizongera guhangana mu buryo butaziguye, ariko nta kintu na kimwe kibuza izo mpande zombi gukomeza intambara yabo idasanzwe, Isiraheli itera ibisasu ahari ibikorwa by’inyungu za Irani mu bihugu bituranye Siriya no muri Libani, kandi nta kintu kibuza Abanyayirani kurasa roketi mu majyaruguru ya Isiraheli.

Ku cyumweru nimugoroba, habaye Inama y’Abaminisitiri b’intambara yo muri Isiraheli. Kurwana, kwihimura? Nta gisubizo? Isiraheli yihaye uburenganzira bwo kugira icyo ikora, ariko ntivuga igihe cyangwa uburyo izabikoramo. Umuvuduko uri mu mvugo si ngombwa byanze bikunze ko uba mu bikorwa.

Nk’uko bisobanurwa na Michel Paul, umunyamakuru wa Radiyo Mpuzamahanga y’Abafaransa Yeruzalemu, ati: “Nta cyemezo cyashyizwe ahagaragara nyuma y’impaka. Dushobora kuvuga amacakubiri akomeye no muri Guverinoma ishinzwe umutekano muri Isiraheli,

Abaminisitii barasaba ko hatangwa igisubizo gikomeye ku butaka bwa Irani. Minisitiri w’ikirenga wa Isiraheli Itamar Ben Gvir, arasaba ko Isiraheli yagaba ibitero kandi ikagaba ibitero bikaze. Kuri konti ye ya X aratangaza ati: “Ntidushobora gukomeza kwirara kuva ku ya 7 Ukwakira.”

Minisitiri w’ingabo, Yoav Gallant hamwe n’abandi bafite ijambo bo muri Guverinoma barasaba ko habaho ubufatanye bw’Akarere mu kurwanya Irani. Byabaye ngombwa ko Isiraheli yahise ihagarika igitero cya Irani ku mwanya wa nyuma y’ikiganiro kuri telefoni hagati ya Perezida w’Amerika Joe Biden na Minisitiri w’Intebe Benjamin Netanyahu.

Kuri ubu, bigaragara ko Isiraheli yahisemo kugenda buke, ahanini bitewe n’ibyangiritse bike biturutse kuri misile za Irani. kandi cyane cyane ko Abanyamerika batangaje ko batazagira uruhare mu bitero nk’ibyo byo kwirwanaho.

Mu gitondo cyo kuri uyu wa Mbere, Isiraheli yatangaje ko hateguwe brigade ebyiri z’abasirikare bitabazwa aho rukomeye kugira ngo bitegure ibikorwa by’intambara muri Gaza.

  • NYIRANEZA JUDITH
  • Mata 15, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE