Misiri: Impanuka y’ubwato yaguyemo abantu 10

  • KAMALIZA AGNES
  • Gashyantare 27, 2024
  • Hashize amezi 2
Image

Impanuka y’ubwato bwarohamye mu ruzi rwa Nili mu Misiri, yahitanye abantu 10 abandi bajyanwa mu bitaro.

Africa News yavuze ko ku wa 26 Gashyantare, ari bwo ubuyobozi bwatangaje ko ubwato bwari butwaye abakozi 15 bwarohamye mu ruzi Nili, 10 muri bo bahasiga ubuzima abandi bajyanwa mu bitaro.

Minisiteri y’Abakozi yatangaje ko batanu barokotse bajyanywe mu bitaro nyuma baza gusezererwa nubwo icyateye iyi mpanuka kitaramenyekana.

Minisiteri yageneye indishyi z’akababaro zingana n’amapawundi 200 000 kuri buri muryango wabuze umuntu ndetse n’amapawundi  20 000 ku barokotse.

Mu 2022 abantu babiri barapfuye abandi umunani baburirwa irengero nyuma y’impanuka y’ubwato bwarohamye mu ruzi rwa Nili, ndetse no muri 2015 abantu 35 bapfiriye mu mpanuka  yabaye hagati y’ubwato butwara abagenzi ndetse n’ubutwara imizigo bwagonganiye mu ruzi.

  • KAMALIZA AGNES
  • Gashyantare 27, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE