MINALOC yatangaje isubikwa ry’umuganda usoza Werurwe

  • NYIRANEZA JUDITH
  • Werurwe 24, 2024
  • Hashize ibyumweru 4
Image

Minisiteri y’Ubutegetsi bw’Igihugu MINALOC, yatangaje ko umuganda usoza ukwezi kwa Werurwe wasubitswe kubera imyiteguro y’umunsi mukuru wa Pasika.

Ubusanzwe umuganda rusange uba ku wa Gatandatu wa nyuma w’ukwezi, ubu wari kuzaba ku itariki ya 30 Werurwe 2024.

Itangazo rya Minisiteri y’Ubutegetsi bw’Igihugu yatangaje kuri iki Cyumweru tariki ya 24 Werurwe, rigira riti: “Abaturarwanda bose ko mu rwego rwo kwitegura umunsi mukuru wa Pasika, umuganda rusange wagombaga kuba ku itariki ya 30 Werurwe 2024 utakibaye.”

Risaba abaturage gukomeza ibikorwa byo gukora isuku mu ngo zabo, bazirikana gusibura inzira z’amazi no gusiba ibinogo birekamo amazi mu ngo no mu nkengero zazo.

MINALOC kandi yifurije Abaturarwanda kuzagira Pasika nziza.

Umuganda rusange ukorwamo ibikorwa bitandukanye bifitiye igihugu akamaro, hagamijwe gukomeza kwihutisha iterambere n’imibereho myiza y’abaturage.

  • NYIRANEZA JUDITH
  • Werurwe 24, 2024
  • Hashize ibyumweru 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE