Michael Dixon ntakiri umukinnyi wa APR BBC

  • SHEMA IVAN
  • Werurwe 28, 2024
  • Hashize ibyumweru 4
Image

Umunyamerika Michael Dixon wakiniraga APR BBC yamaze gutandukana na yo nyuma yo kumvikana na Al Ittihad Alexandria yo mu cyiciro cya mbere mu Misiri.

Ibi bije nyuma yaho mu cyumweru gishize Al Ittihad Alexandria yo mu Misiri ije mu Rwanda aho yakinnye imikino ibiri ya gicuti na APR BBC iri kwitegura Irushanwa Nyafurika rya Basketball Africa League BAL 2024.

Nubwo iyi kipe itazakina iyo mikino, yahise ibenguka Michael Dixon wakiniraga Ikipe ya APR BBC,

Amakuru agera ku Imvaho Nshya avuga ko uyu mukinnyi yatangiye kurambagizwa n’iyi kipe mbere y’uko iza mu Rwanda gukina imikino ibiri ya gicuti.

Dixon w’imyaka 33 yageze muri APR BBC mu Ukwakira 2023 nyuma yo gukinira Patriots mu mikino ya Playoffs ya Shampiyona y’u Rwanda muri Basketball.

Uyu yabaye umukinnyi mwiza w’irushanwa (MVP) ubwo yakiniraga US Monastir yo muri Tunisia yegukanye icyo gikombe.

Dixon yakinnye muri shampiyona zitandukanye mu icyiciro cya mbere zirimo iyo muri Czech Republic mu Bugereki, Turukiya na Isiraheli.

Kugenda kwe ni igihombo gikomeye kuri APR BBC iri hafi gukina irushanwa rya Sahara Conference rizabera i Dakar muri Sénégal kuva tariki ya 4 kugeza 12 Gicurasi 2024.

Aha ni ho hazatanga itike yo gukina imikino nyuma ya BAL 2024 izabera i Kigali kuva tariki 24 Gicurasi kugeza ku ya 1 Kamena 2024.

  • SHEMA IVAN
  • Werurwe 28, 2024
  • Hashize ibyumweru 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE