Umunya-Croatia Luka Modrić, ukina asatira mu ikipe ya Real Madrid FC agiye kugura imigabane mu ikipe ya Swansea City yo mu cyiciro cya kabiri mu Bwongereza.
Ni inkuru yamenyekanye kuri uyu wa Mbere tariki ya 14 Mata 2025.
Kugura iyi kipe ntibizabuza Luka Modric w’imyaka 39 gukomeza gukinira Real Madrid.
Modric afatwa nk’umwe mu bakinnyi beza hagati mu kibuga babayeho mu kinyejana cya 20, kuko yatwaye ibikombe 33 mu marushanwa yose yakinnye, aheruka mu Bwongereza ari umukinnyi wa Tottenham.
Mu 2018 yegukanye igihembo cya Ballon d’Or n’icy’umukinyi mwiza w’umwaka wa FIFA mu bagabo.
Modric abaye umukinnyi wa kabiri wa Real Madrid uguze ikipe nyuma ya Kylian Mbappe ifite 80% y’imigabane mu ikipe ya Stade Malherbe Caen yo mu cyiciro cya kabiri mu Bufuransa.
Kugeza ku munsi wa 42 wa shampiyona y’icyiciro cya kabiri Swansea City iri ku mwanya wa 12 n’amanota 54. Iheruka muri Premier League mu 2018.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE