Luis Rubiales wasomye umukinnyi yahagaritswe imyaka itatu

Luis Rubiales wasomye umukinnyi yahagaritswe imyaka itatu

Ishyirahamwe ry’umupira w’amaguru ku isi FIFA yahanishije Luis Rubiales wahoze ayobora Ishyirahamwe rya Ruhago muri Espagne, uheruka gusoma umukinnyi bigateza intugunda, yahagaritswe mu bikorwa byose by’umupira w’amaguru mu gihe cy’imyaka itatu.

Kuri uyu wa mbere Tariki 30 Ukwakira 2023, ni bwo FIFA yasohoye itangazo rimuhagarika nyuma y’iminsi 90 akorwaho iperereza ku cyaha cyo gusoma ku gahato umukinnyi w’ikipe y’igihugu y’abagore.

Luis Rubiales yari yanze kwegura kuri uwo mwanya nyuma yo yashyirwaho igitutu n’inzego zitandukanye kubera gusoma ku munwa umukinnyi w’umugore, Jenni Hermoso.

Louis Rubiales yasomye ku munwa uyu mukinnyi witwa Hermoso ubwo ikipe y’igihugu ya Espagne yari imaze kwegukana igikombe cy’Isi cy’abagore bwa mbere itsinze u Bwongereza igitego 1-0,ibintu bitakiriwe neza bikurura intugunda kugeza ubwo bamwe mu bakinnyi bavuze ko batazagaruka mu ikipe y’igihugu akiri perezida w’ishyirahamwe ry’umupira w’amaguru mu Espagne.

Louis Rubiales Yagizwe perezida w’ishyirahamwe ry’umupira w’amaguru muri Espagne muri 2018 umwanya yari amazeho imyaka itanu.

SHEMA IVAN

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Nigeria: Abantu 24 bapfiriye mu mpanuka y’ubwato bagiye gushyingura 22 Ugushyingo 2026 Saa 13:06
  2. Iran yarashe ibirindiro bya Amerika muri Bahrain 22 Ugushyingo 2026 Saa 12:40
  3. Kigali: Ibigo byigisha imyuga byasabwe gukumira ibidindiza ireme ry’uburezi 22 Ugushyingo 2026 Saa 07:43
  4. Korali Amazing Grace yasubiyemo indirimbo ‘Ibuye Rizima’ 21 Ugushyingo 2026 Saa 23:32
  5. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19