Libiya: Imitwe yitwaje intwaro yiyemeje kuzishyira hasi

  • KAMALIZA AGNES
  • Gashyantare 22, 2024
  • Hashize amezi 2
Image

Imitwe yitwaje intwaro imaze imyaka irenga icumi igenzura umurwa mukuru wa Libiya yumvikanye na Leta ko igiye kuva mu bice yigaruriye.

Byatangajwe na  Minisitiri w’Ubutegetsi bw’igihugu, Trabelsi Emad, ubwo yari mu kiganiro n’abanyamakuru.

Yemeje ko imitwe yitwaje intwaro yavuye mu byicaro byayo bikuru kandi ko, Guverinoma izajya ibakoresha mu bihe bidasanzwe cyangwa mu butumwa bwihariye.

Africanews yatangaje ko Minisitiri Trabelsi yongeyeho ko nibarangiza kuva mu Murwa Mukuru Tripoli, hazakurikiraho indi Mijyi, ndetse yizeza ko hatazongera kubaho ibirindiro by’imitwe yitwaje intwaro.

Aya masezerano y’imitwe yitwaje intwaro na Leta aje nyuma yuko  imitwe igera kuri itanu yagiye ihitana ubuzima bwa benshi, ndetse no mu mpera z’icyumweru gishize yivuganye abantu 10.

Muri Kanama umwaka ushize ikindi gitero cy’abitwaje intwaro cyahitanye abantu 55 a 150 barakomereka.

  • KAMALIZA AGNES
  • Gashyantare 22, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE