Kurwanya igwingira birasaba gukomeza kubigira umuco

  • NYIRANEZA JUDITH
  • Gashyantare 7, 2024
  • Hashize ibyumweru 2
Image

Umuyobozi Mukuru w’Ikigo cy’Igihugu gishinzwe imikurire no kurengera umwana NCDA Ingabire Assumpta mu nama yagiranye n’abantu bo mu nzego zitandukanye mu Karere ka Kayonza, yibukije ko kurwanya igwingira ari igikorwa gusaba kukigira umuco.

Yasabye abitabiriye inama kwibutsa ababyeyi ko mu kurwanya igwingira bakomeza ibyo bakoreraga abana bato no kwita ku mirire y’abangavu n’ingimbi.

Bamwe mu bitabiriye inama

Yashimye Uturere twashyize imbaraga mu kugabanya igwingira, asaba abayobozi gukomeza gushyiramo imbaraga.

Ati “Uko tugenda twegera kugera ku ntego birasaba ko dukomeza kubigira umuco kuko dukeneye kugera ku 100%, iyo duhuzeho gato dusubira inyuma”.

Imboga zifasha kunoza imirire

Iyo nama yayobowe n’Umuyobozi Mukuru wa NCDA, Ingabire ari hamwe n’Umunyamabanga Nshingwabikorwa w’Intara Jeanne Nyirahabimana n’Umuyobozi Mukuru wa CRS Rwanda Hans Fly.

Yitabiriwe n’abayobozi b’Uturere twa Kayonza, Rwamagana na Kirehe n’abungirije bashinzwe imibereho myiza mu Turere tw’Intara y’Iburasirazuba.

Inama kandi yanitabiriwe n’abayobozi b’ibigo by’amashuri n’ibigo nderabuzima mu Karere ka Kayonza.

Umuyobozi Mukuru wa NCDA, Ingabire Assumpta

Basobanuriwe ibikubiye mu mirongo migari y’Igihugu ku Mirire y’abangavu ingimbi n’abana biga, ndetse n’ibikorwa bizibandwaho mu mushinga STRONG.

Umwe muri bo yavuze ko ari ingenzi gushyira imbaraga mu kwigisha ababyeyi gufata indyo yuzuye bagitwite, kugira ngo babungabunge ubuzima bw’umwana uri mu nda kandi bizaborohere no kugaburira umwana neza yaravutse kuko umubyeyi utariye neza natagaburira neza n’uwo atwite.

Iki gikorwa cyabanzirijwe no gupima ingano y’amaraso mu bangavu, haterwa ibiti by’imbuto ndetse n’imboga muri Groupe Scolaire Mukarange.

Hanatangijwe umushinga STRONG uzashyirwa mu bikorwa na CRS Rwanda ugamije kwita ku mirire y’abangavu n’ingimbi.

  • NYIRANEZA JUDITH
  • Gashyantare 7, 2024
  • Hashize ibyumweru 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE