Kigali: Haramurikwa ikoranabuhanga rigezweho mu buhinzi n’ubworozi

Kuri uyu wa Kane tariki ya 20 Nyakanga 2023, hatangiye imurikabikorwa rya 16 ry’Ubuhinzi n’Ubworozi rikomeje kwitabirwa n’abafite udushya mu iterambere ry’ubuhinzi n’ubworozi ndetse no kongerera agaciro ibibikomokaho.

Abiyandikishije kwitabira barasaga 350, nikaba byitezwe ko wa rizasoza ku wa 29 Nyakanga 2023. Abitabiriye ku munsi wa mbere bavuga ko bishimiye kugaragariza abaturarwanda n’abanyamahanga bazabasura aho ikoranabuhanga mu buhinzi rigeze, ndetse n’ibishya bitandukanye byitezweho impinduka mu buhinzi bw’u Rwanda.

Iri murikabikorwa rigamije guteza imbere ubuhinzi n’ubworozi binyuze mu kwigira ku bunararibonye kuko uwahaje abasha kumenya ahari ibyo akeneye, umurika akarushaho kunguka ubumenyi mu byo akora akaba yanarushaho kubinoza nko gukoresha ikoranabuhanga mu buhinzi n’ubworozi.

Ni imurikabikorwa rifite insanganyamatsiko igira iti: ‘Kuvugurura ubuhinzi n’Ubworozi binyuze mu ikoranabuhanga, guhanga ibishya n’ishoramari’.

Yanditwe na NYIRANEZA Judith