Kenya: 51 barokotse impanuka y’umwuzure

  • KAMALIZA AGNES
  • Mata 9, 2024
  • Hashize ukwezi 1
Image

Abagenzi 51 bari mu modoka bava mu Mujyi i Nairobi berekeza i Garrisa barokotse impanuka y’umwuzure nyuma yuko imodoka barimo itwawe n’amazi ikiroha munsi y’ikiraro cyuzuye amazi mu Majyaruguru ya Kenya.

Umuyobozi wa Polisi mu Ntara ya Tana River, Ali Ndiema, yatangaje kuri uyu wa 9 Mata, ko abagenzi bose bakuwemo ari bazima ndetse n’uwo muhanda ufunzwe kandi uzawukoresha azakurikiranwa n’amategeko.

Ibitangazamakuru birimo Africa News, byatangaje ko bamwe mu bagenzi bagerageje kwirwanaho bahagarara hejuru y’imodoka itararengerwa mbere y’uko batabarwa.

Iyi mpanuka yabaye hashize amasaha make Ikigo cy’Igihugu gishinzwe gutwara abantu n’ibintu muri Kenya gifunze ikindi gice cy’umuhanda muri iyi Ntara nyuma yuko kibasiwe n’umwuzure.

Ejo hashize Guverinoma yari yatanze integuza y’imvura izarangwa n’umwuzure mu Ntara y’Amajyaruguru y’iki gihugu.

  • KAMALIZA AGNES
  • Mata 9, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE