Umunya Cameroon Joel Matip wakiniye Liverpool yo mu Bwongereza yatangaje ko yahagaritse gukina Ruhago ku myaka 33.
Matip yasezeye umupira w’amaguru nyuma yo gusoza amasezerano yari afitanye na Liverpool mu mpeshyi y’uyu mwaka.
Mu myaka umunani myugariro Matip yakiniye Liverpool yakinnye imikino 201, atsinda ibitego 11 anayifasha kwegukana ibikombe birimo Premier League, FA Cup na UEFA Champions League.
Mu rugendo rwe muri Ruhago Matip yaranzwe no kugira imvune nyinshi (16).
Joel Matip yageze muri Liverpool mu 2016 avuye muri Schalke yo mu Budage yakiniye kuva 2009 atwarana na yo igikombe cya DFB-Pokal mu 2011.
Mu ikipe y’igihugu ya Cameroon Matip yakinnye imikino 27 atsinda igitego kimwe ndetse yakinnye igikombe cy’Isi inshuro ebyiri (2010 na 2014).
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE