Isiraheli yagabye igitero mu majyepfo ya Siriya gihitana 13

Mu ijoro ry’uwa Kane rishyira kuri uyu wa Gatanu tariki ya 28 Ugushyingo 2025, ingabo za Isiraheli zagabye igitero mu majyepfo ya Siriya ahitwa Beit Jann, zigamije guhashya umutwe wa Jamaa islamiya ugaba ibitero ku basivili ba Isiraheli, gihitana abantu 13.

Icyo gitero ni cyo cyahitanye abantu benshi kuva Perezida Bashar al-Assad yava ku butegets hafi umwaka urashize, nk’uko ingabo za Isirayeli zibivuga, iki gikorwa cyibasiye itsinda ry’abayisilamu, naho Damas yacyamaganye ivuga ko ari icyaha cy’intambara.”

Ingabo za Isiraheli zatangaje ko mu kurasana abasirikare batandatu ba Isirayeli bakomeretse, batatu muri bo bakomeretse cyane, mu gitero cyagabwe mu gace ka Beit Jinn. Kuva aho ihuriro ry’abayisilamu rifatiye ubutegetsi hafi umwaka urashize, Isiraheli yagabye ibitero byinshi by’indege muri Siriya.

Minisiteri y’Ububanyi n’Amahanga ya Siriya yamaganye ukwinjira kwa Isiraheli mu majyepfo ya Siriya, igitero cyafashwe nk’icyaha cy’intambara, cyahitanye abantu bagera kuri 13.

Minisiteri y’Ububanyi n’Amahanga yagize iti: “Siriya iramagana ibikorwa by’ubugizi bwa nabi” byakozwe n’ingabo za Isirayeli muri Beit Jinn. Iki ni icyaha cy’intambara, yemeza ko gukomeza ibikorwa nk’ibi bigamije gutwika akarere.”

Nk’uko televiziyo ya Siriya ibivuga, abaguye muri ibyo bitero abenshi ni abagore n’abana. Inzu nyinshi n’umusigiti wo muri Beit Jinn byasenyutse, kandi abantu benshi baracyari munsi y’ibisigazwa.

Ingabo za Isiraheli zatangaje mbere ko zatangije igikorwa mu ijoro ryose cyo guta muri yombi abakekwaho kuba abo muri Jamaa Islamiya umutwe wari urimo gutegura kugaba ibitero ku basivile ba Isiraheli.

Umutwe w’abayisilamu bo muri Libani witwa Jamaa Islamiya ni umufatanyabikorwa w’umutwe w’abayisilamu bo muri Palestine witwa Hamas, igitero cyawo kidasanzwe kuri Isiraheli ku ya 7 Ukwakira 2023, kikaba ari cyo cyateje intambara mu gace ka Gaza.