Ingoro y’Amateka y’Urugamba rwo Guhagarika Jenoside yinjije asaga miliyoni 478 Frw

  • ZIGAMA THEONESTE
  • Gashyantare 3, 2024
  • Hashize amezi 4
Image

Ubuyobozi bw’Ingoro y’Amateka y’Urugamba rwo Guhagarika Jenoside bugaragaza ko mu myaka irindwi iyo ngoro imaze ifunguwe ku mugaragaro imaze kwinjiriza u Rwanda amafaranga asaga miliyoni 478 z’amafaranga y’u Rwanda.

Ni ingoro imaze gusurwa n’ababarirwa mu bihumbi 591.

Ku itari 13 Ukuboza 2017, ni bwo iyo ngoro yafunguwe ku mugaragaro na Perezida wa Repubulika y’u Rwanda Paul Kagame.

Ni ingoro ibumbatiye amateka y’iminsi ijana, ahera ku itariki ya 7 Mata 1994 akageza ku itariki 4 Nyakanga, igihe Perezida Kagame wari Umugaba Mukuru w’ingabo za RPA Inkotanyi yatangizaga urugamba rwo guhagarika Jenoside yakorewe Abatutsi, ubwo Umujyi wa Kigali wafatwaga n’izo ngabo.

Bashana Medard, Umuyobozi w’Ingoro y’Amateka y’Urugamba rwo Kubohora Igihugu, yasabunuye uko iyi ngoro yatekerejwe.

Ati: “Muri gahunda yo kubaka igihugu,ni ahangaha ni bwo hatekerejweho ko hakwiye kujyaho amateka y’urugamba  rwo guhagarika Jenoside”.

Bashana Medard

Yakomeje agira ati: “Abantu rero barayitabiriye, iyi ngoro kuva ifunguwe twagiye tugira imibare iri hejuru, ugereranyije n’izindi ngoro z’umurage hirya no hino mu gihugu, aho kugeza ubu kuva mu myaka irindwi iyi ngoro ifunguwe, tumaze gusurwa n’abagera ku bihumbi 591. Muri rusange ikaba imaze kwinjiza miliyoni zisaga 478 z’amafaranga y’u Rwanda”.

Bashana kandi ahamya ko iyo ngoro yagize uruhare rukomeye mu kwimakaza indangagaciro z’ubutwari mu Banyarwanda.

Ati: “Hari n’umwanya mwiza wo kugaya na ba bandi baba babaye ibigwari mu bihe nk’ibyongibyo cyangwa n’ubungubu batesha u Rwanda ikuzo, ugasanga baruvuga ibidakwiriye kandi u Rwanda rwarabahaye byose, nk’igihugu cyababyaye”.

Imibare igaragaza ko abasura iyo ngoro,75% ari Abanyarwanda bari mu byiciro  bitandukanye baza mu matsinda manini n’amato, bakishyura amafaranga ibihumbi 2 kuri buri muntu .

Mu gihe 25% ari Abanyamahanga basura na bo iyo ngoro bikishyura ibihumbi 18 kuri buri muntu.

  • ZIGAMA THEONESTE
  • Gashyantare 3, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE