Ikipe ya Gisagara VC yatewe mpaga na REG VC nyuma yo kubura ku kibuga cyagombaga kuberaho umukino.
Uyu mukino wari uteganyijwe kuri uyu wa Gatandatu, tariki 16 Werurwe 2024 muri Notre Dame des Anges, saa kumi, mu mukino wa round ya gatanu y’imikino ibanza ya Shampiyona ya Volleyball.
Ikipe ya REG VC yategereje iyo bagombaga gukina irayibura, abasifuzi banzura ko Gisagara igomba guterwa mpaga y’amaseti 3-0 (25-0, 25-0, 25-0).
Amakuru agera ku Imvaho Nshya aravuga ko iyi kipe ya Gisagara VC yo mu Ntara y’Amajyepfo yagize ikibazo cy’abakinnyi bake harimo n’abarwaye.
Indi mikino yabaye uyu munsi, Kirehe VC yatsinze East Africa University Rwanda amaseti 3-1 (25-19, 16-25, 25-23, 25-18) naho Kigali VC yatsinze IPRC Musanze amaseti 3-2 (25-16, 28-26, 22-25, 23-25, 15-8).
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE