ECOWAS yoroheje bimwe mu bihano yafatiye Guinea, Mali na Niger

  • KAMALIZA AGNES
  • Gashyantare 26, 2024
  • Hashize amezi 2
Image

Umuryango w’Ibihugu by’Afurika y’Uburengerazuba (ECOWAS), watangaje ko ugiye koroshya ibihano wafatiye Guinea na Mali, nyuma y’umunsi umwe na none utangaje ko n’ibihano byafatiwe Niger bigiye koroshywa.

Uyu muryango wari wafatiye ibyo bihugu  ibihano nyuma ya za kudeta zagiye zigaragaramo.

ECOWAS yatangaje ko yakuyeho ibihano by’imari n’ubucuruzi yari yarafatiye Guinea inakuraho inzitizi zari zarashyiriweho Abanyamali zibabuza guhatanira imyanya y’akazi muri uwo Muryango.

Aljazeera yavuze ko ibi byemezo byafatiwe mu nama idasanzwe y’uyu muryango yateranye ku wa Gatandatu.

ECOWAS yari yarahagaritse gukorana na Guinea kuva Mamady Doumbouya yahirika ubutegetsi bwa Perezida Alpha Conde mu 2021.

Mu gihe Niger yafatiwe ibihano birimo kutemererwa gukoresha ikirere cy’ibihugu bigize CEDEAO no gufatira imitungo yayo iri muri ibyo bihugu.

Abakurikiranira hafi ibibera muri ako karere bavuga ko ibi byemezo byo koroshya ibihano bigamije kureshya abayobozi b’ibyo bihugu byari byarafatiwe ibihano, kwisubiraho ku cyemezo bafashe cyo kuva burundu muri ECOWAS.

  • KAMALIZA AGNES
  • Gashyantare 26, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE