Dani Alves wahamijwe gufata ku ngufu yakatiwe gufungwa imyaka ine n’igice

  • SHEMA IVAN
  • Gashyantare 22, 2024
  • Hashize amezi 2
Image

Umunya-Brazil Dani Alves wakiniye FC Barcelona na PSG yakatiwe imyaka ine n’amezi ane y’igifungo n’Urukiko rwo muri Espagne, nyuma yo guhamwa n’icyaha cyo gufata kungufu.

Uyu mwanzuro wafashwe n’urukiko rukuru rwo mu mujyi wa Catalonia mu gihugu cya Espagne kuri uyu wa Kane tariki ya 22 Gashyantare 2024, nyuma yo kumva impande zombi mu rubanza rumaze igihe kirenga umwaka..

Iki cyaha Dani Alves yashinjwe n’urukiko bivugwa ko yagikoreye mu kabyiniro ko mu Mujyi wa Barcelone, mu ijoro rya tariki 30 ishyira 31 Ukuboza 2022, ari na ho yafatiwe

Uru ni urubanza rwamaze iminsi itatu, aho ku munsi wa mbere humviswe abatangabuhamya barimo mubyara ndetse n’inshuti b’umukobwa uvuga ko yafashwe ku ngufu.

Aba bavuze ko mbere y’uko Alves ajya guhohotera mugenzi wabo, yabanje kubakorakora bose kugeza ubwo avanyemo umwe muri bo akamujyana mu bwiherero.

Ushinja Alves yongeye gushimangira ko mu ijoro rya tariki 30 ishyira 31 Ukuboza 2022, bari mu bwiherero bw’akabyiniro ka Sutton i Barcelone, by’umwihariko mu gice cy’abanyacyubahiro ‘VIP Section’, uyu mukinnyi yamukoresheje imibonano mpuzabitsina ku gahato.

Abandi batanze ubuhamya muri uru rubanza barimo n’umugore wa Dani Alves, byavuzwe ko yamaze kwaka gatanya n’umugabo we.

Uyu mugabo w’imyaka 40 mbere wari wahakanye ibyaha byose aregwa ndetse n’umunyamategeko we Cristóbal Martell Pérez-Alcalde akerekana ko amashusho yatanzwe atagaragaza umukiriya we akora ibyaha aregwa, yemeye ko yakoranye imibonano mpuzabitsina n’uwo mukobwa ariko ko bombi bari bamaze kubyumvikanaho.

Alves yakiniye FC Barcelona kuva mu 2008 kugeza 2016, ariko aza kuyisubiramo mu 2021/2022. Uyu mugabo kandi ni we mukinnyi wa kabiri wahamagawe inshuro nyinshi mu ikipe ya Brésil.

Alves yafashije Brazil kwegukana Copa America ebyiri, yegukanye umudali wa zahabu mu mikino Olympic ya 2022 I Tokyo mu Buyapani

Dani Alves yakatiwe imyaka ine n’igice nyuma yo guhamwa n’ibyaha by’ihohotera rishingiye ku gitsina
  • SHEMA IVAN
  • Gashyantare 22, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE