CECAFA U 18:  Amavubi yageze muri ½

  • SHEMA IVAN
  • Ukuboza 1, 2023
  • Hashize amezi 3
Image

Ikipe y’igihugu Amavubi y’abatarengeje imyaka 18 yatsinze Sudani ibitego 3-0 ibona itike ya ½ muri CECAFA U18 iri kubera mu gihugu cya Kenya mu mujyi wa Kisumu.

Ni umukino wabaye kuri uyu wa Gatanu kabiri tariki 1 Ukuboza 2023, kuri sitade yitiriwe Jomo Kenyatta Stadium (Jomo Kenyatta Stadium).

Mu mukino wari uryoheye ijisho amakipe yombi yatangiye umukino yatakana ku mpande zombi.

Ku munota wa 31, Iradukunda yahushije igitego gikomeye, ku mupira mwiza yahawe na Ndayishimiye Didier ateye mu izamu ukubita igiti uvamo.

Amavubi yakomeje gusatira maze ku munota wa 37 abona igitego cya mbere cyatsizwe na Ndayishimiye Didier ku mupira yaherekanyije na bagenzi be mu rubuga rw’amahina ahita atsinda igitego.

Igice cya mbere cyarangiye Amavubi atsinze Sudani igitego 1-0.

Mu gice cya kabiri amavubi yakomeje gusatira cyane izamu rya Sudani ariko ba myugariro bayo bihagararaho. Ku munota wa 60′ yabonye igitego cya kabiri cyatsizwe na Hoziyana Kennedy kuri Penaliti nyuma y’ikosa ryari rikorewe rutahizamu Ndayishimiye Didier mu rubuga rw’amahina.

Ikipe y’Igihugu ya Sudani yakomeje kwibura no kurushwa bigaragara n’amavubi kuko nta mipira ibiri yahererekanyaga.

Irakoze Jean Paul yatsinze igitego cya gatatu ku munota wa 77′

Umukino warangiye Amavubi atsinze Sudani ibitego 3-0 rukatisha itike ya 1/2.

Uwundi mukino mu itsinda A, Amavubi yari arimo Kenya yatsinze Somalia ibitego 4-1.

  • SHEMA IVAN
  • Ukuboza 1, 2023
  • Hashize amezi 3
TANGA IGITEKEREZO
UZABUMWANA JEAN PAUL says:
Ukuboza 2, 2023 at 2:35 am

Byiza cnee abasore bacu bitwaye neeeeeeeeza cneeeee 😍🤍🤍

Andika igitekerezo

AMATEGEKO AGENGA IYANDIKA RY'IGITEKEREZO CYAWE