Burundi: Bunyoni wabaye Minisitiri w’Intebe yafunguwe

Alain Bunyoni wahoze ari Minisitiri w’Intebe kuva mu 2020 kugeza muri Nzeri 2022 yafunguwe nyuma yo kumara imyaka hafi Itatu afunze.

Amakuru yatangajwe n’Ikigo cy’Itangazamakuru cy’Abongereza, BBC, avuga ko Bunyoni yafunguwe ari kumwe n’abandi bantu 10 barekuwe ku mpamvu z’uburwayi.

Umwe mu bantu ba hafi y’umuryango wa Bunyoni, yemereye BBC ko yarekuwe.

Bunyoni yafunzwe nyuma yo gukurikiranwaho ibyaha birimo gushaka kugirira nabi Perezida Evariste Ndayishimiye, ruswa n’ibindi.

Ni ibyaha yaburanye ahakana. Mu 2023 Urukiko rwamukatiye igifungo cya burundu.