Bruce Melodie yongeye kugubwa nabi n’amafunguro yo muri Amerika

  • MUTETERAZINA SHIFAH
  • Werurwe 23, 2024
  • Hashize ibyumweru 4
Image

Umuhanzi Itahiwacu Bruce, uzwi nka Bruce Melodie, yongeye kugubwa nabi n’amafunguro yo muri Leta Zunze Ubumwe z’Amerika, nyuma y’uko n’ubundi aheruka kumugwa nabi ubwo yari ariyo muri gahunda ya Rwanda Day, yari yabereye mu Mujyi wa Washington DC.

Atangaza ko ibyokurya byo muri Leta zunze ubumwe z’Amerika bikomeje kumubera amayobera.

Ni ibyo Melodie yatangarije mu kiganiro yitabiriye kuri uyu Gatanu tariki 22 Werurwe 2024 ku Ijwi rya Amerika (VOA) mu ruzinduko arimo muri Leta zunze ubumwe z’Amerika rugamije  kumenyekanisha indirimbo ye yakoranye n’umuhanzi Shaggy ukomoka muri Jamaica, ariko akaba akorera umuziki muri Amerika, ari nako agaruka ku rugendo rw’umuziki we muri rusange.

Abajijwe uko ubuzima muri kiriya gihugu bumeze, nta kurya iminwa Bruce Melodie yavuze ko ibijyanye n’amafunguro bikomeje kumunanira.

Yagize ati: ”Hari akantu k’ubukonje ariko ibisigaye ni byiza, nabikunze cyane, ibyanyobeye ni ibiryo, nari menyereye ibishyimbo n’ibirayi byaba ngombwa nkashyiraho imyumbati, nageregeje kujya i buryasazi nazimize bunguri ariko ntabwo byari byoroshye.”

Uyu muhanzi yatangaje imwe mu ndirimbo agira, ababyeyi b’abagore bakunda bikamutangaza yitwa “Ikinya “ahita anayiririmba.

Uretse ibikorwa byo kumenyekanisha indirimbo, Bruce Melodie, n’itsinda rimufasha bahugiye mu bindi bikorwa bitandukanye byo kumenyekanisha umuziki we mu ruhando mpuzamahanga.

Mu bindi yagarutseho muri icyo kiganiro, Melodie yavuze ko arimo gukora kuri Album izaba igizwe n’indirimbo 16, biteganyijwe ko izasohoka mu Mpeshyi y’uyu mwaka, ariko kandi ngo hari n’ibitaramo arimo gutegura.

Ati: ”Icya mbere nababwira ni uko mbakunda, ikindi turi gutegura ibitaramo muri Canada, mu burasirazuba bw’Afurika no mu Burayi. Uyu mwaka abantu bose twari twaraburanye tuzabasura.”

Si ubwa mbere Melodie atangaje ko atoroherwa n’amafunguro yo muri Amerika, kubera ko aheruka kubikora ubwo aheruka muri icyo gihugu muri Rwanda Day, mu kiganiro yagiranye na MIE. 

Uyu muhanzi ku bufatanye na 1:55 Am imufasha baherutse gufata icyemezo cyo kutazongera kuvugisha itangazamakuru ry’u Rwanda ahubwo bakajya banyuza ibiganiro bye ku murongo wa Youtube yitwa 1:55 AM.

Iyi gahunda yatangijwe mu ijoro ry’itariki 15 Werurwe ubwo yari yerekeje muri Leta Zunze Ubumwe z’Amerika, akanga kuvugisha itangazamakuru nk’ibisanzwe, ahubwo hagakorwa ikiganiro gishyirwa kuri iyo You Tube.

  • MUTETERAZINA SHIFAH
  • Werurwe 23, 2024
  • Hashize ibyumweru 4
TANGA IGITEKEREZO
Toyota says:
Werurwe 23, 2024 at 1:02 pm

Niba ibiryo byomuramerika bikunanira ubwo nukuvugako utanahatura .

Andika igitekerezo

AMATEGEKO AGENGA IYANDIKA RY'IGITEKEREZO CYAWE