Umutoza w’amakipe y’igihugu ya basketball y’abakina ari batatu mu bagabo n’abagore, Mutokambali Moïse yahamagaye abakinnyi batandatu bagomba gutangira kwitegura imikino ya ‘All African Games’ izabera i Accra muri Ghana guhera tariki 18 kugeza 22 Werurwe 2024.
Abakinnyi bahamagawe mu bagabo ni Turatsinze Olivier uri mu bakinnyi 10 ba mbere muri Afurika muri uyu mukino mu 2023, Uwitonze Justin, Kwizera Sage Hubert, Mugalu Mike, Twizeyimana Cyiza Chandelier na Rutayisire Chris.
Abagabo bahamagawe mu bagore ni Mwizerwa Faustine, Dusabe Jane, Akaliza Nelly, Irakoze Nelly, Uwimpuhwe Henriette na Tumukunde Oliviette.
Biteganyijwe ko aya makipe azatangira umwiherero mu minsi iri imbere.
Muri rusange iri rushanwa rizitabirwa n’amakipe 16 mu bagabo n’abagore aho hitezwe abagera kuri 400.
Si Basketball y’abakina ari batatu gusa izakinwa muri iyi mikino hanateganyijwe indi mikino 23 irimo Amagare, Gusiganwa ku maguru, Handball, Volleyball, Triathlon, Table Tennis, Rugby, Badminton, Beach Volleyball, Chess, na Cricket.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE