Ikipe y’Igihugu ya Basketball y’abakina ari batatu mu bagabo yisanze mu itsinda A, mu bagore rwisanze mu itsinda D mu mikino ya ‘All African Games’ izabera i Accra muri Ghana guhera tariki 18 kugeza 22 Werurwe 2024.
Mu bagabo u Rwanda ruri kumwe na Misiri, Santarafurika na Côte d’Ivoire.Mu bagore u Rwanda ruri kumwe na Benin, Uganda na Comoros.
Biteganyijwe ko aya makipe y’igihugu azatangira umwiherero mu minsi iri imbere.
Muri rusange iri rushanwa rizitabirwa n’amakipe 16 mu bagabo n’abagore aho hitezewe abagera kuri 400.
Si Basketball y’abakina ari batatu gusa izakinwa muri iyi mikino hanateganyijwe indi mikino 23 irimo Amagare, Gusiganwa ku maguru, Handball, Volleyball, Triathlon, Table Tennis, Rugby, Badminton, Beach Volleyball, Chess, na Cricket.
Iyi mikino ya ‘’All African Games’’ ifite amateka maremare ahujwe n’imikino itandukanye irimo iy’abaturage ndetse n’imikino ya gicuti yabaye mu 1963 i Dakar muri Senegali, aho ibihugu by’Afurika byigenga 24 byitabiriye ibirori byo gusiganwa ku maguru harimo n’abagore.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE