AS Kigali y’abagore yatandukanye na Mukamusonera wayitozaga

Ikipe ya AS Kigali y’abagore yemeje ko yatandukanye Mukamusonera Théogenie wayitozaga ku bwumvikane bw’impande zombi.

Amakuru yo gutandukana kwa Mukamusonera na AS Kigali Women Football Club, yamenyekanye mu gitondo cyo kuri uyu wa Gatatu tariki ya 7 Gashyantare 2024.

Aganira n’Imvaho Nshya umuyobozi mukuru wa AS Kigali WFC Twizeyeyezu Marie Josée, yemeje ko batandukanye na we.

Yagize ati: “Yego twaratandukanye. Twaramuhagaritse.”

Amakuru avuga ko impamvu ikomeye yo guhitamo gutandukana n’uyu mutoza, ari uko atahuzaga n’abakinnyi ndetse n’abatoza bamwungirije.

Mukamusonera Théogenie, yageze muri iyi kipe mu 2022, avuye muri Fatima Women Football Club y’i Musanze.

Umutoza wungirije Saida Ntagisanimana ni we wahawe kuyobora iyi kipe mu gihe gito mbere yo gushyiraho umutoza mukuru.