APR FC yasabye FERWAFA gusubikirwa umukino wa AS Kigali

  • SHEMA IVAN
  • Mata 3, 2024
  • Hashize ibyumweru 2
Image

APR FC yasabye FERWAFA gusubikirwa umukino wa Shampiyona w’Umunsi wa 26 yari ifitanye na AS Kigali ku wa Gatanu tariki ya 5 Mata 2024, kubera urupfu rw’uwari umutoza ushinzwe kongerera imbaraga abakinnyi Dr Adel Zrane witabye Imana ku wa Kabiri.

Ku gicamunsi cyo ku wa Kabiri tariki 02 Mata 2024 ni bwo hamenyekanye urupfu Dr Adel Zrane aguye mu rugo iwe nkuko byatangajwe n’Ubuyobozi bw’iyi kipe.

Aganira na Radio Rwanda Umuvugizi w’ikipe ya APR FC Tony Kabanda yavuze ko ku bwumvikane bw’amakipe yombi basabye ko uyu mukino usubikwa ugashakirwa undi munsi.

Yagize ati: “Twasabye ko umukino wasubikwa kugira ngo tubanze duherekeze umuvadimwe wacu neza.”

Nta gihindutse uyu mukino uzakinwa tariki 16 Mata 2024 kuri Kigali Pele Stadium.

Kugeza ku munsi wa 26 wa shampiyona APR FC ni yo iyoboye urutonde rwa shampiyona n’amanota 59 irusha Rayon Sports ya kabiri amanota 11.

  • SHEMA IVAN
  • Mata 3, 2024
  • Hashize ibyumweru 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE