Manizabayo Etienne wakiniraga Ikipe y’abato ya Benediction Club yitabye Imana nyuma yo kugongwa n’imodoka, ubwo we na bagenzi be bo mu makipe atandukanye, barimo n’abakuru bari mu myitozo kuri uyu wa Kane, tariki ya 4 Mata 2024.
Nyakwigendera Manizabayo yahitanywe n’impanuka yabereye mu muhanda uva mu Byangabo ubwo bamanukaga berekeza mu Gataraga, ubwo bari bageze munsi y’Umurenge wa Busogo.
Umuyobozi wa Benediction Club Munyankindi Benoit yabwiye Imvaho Nshya ko iyi mpanuka yari mo abakinnyi benshi barimo n’abakuru bo mu makipe atandukanye nka Java-Invotec na Karongi Cycling Team, imodoka irabagonga.
Yagize ati” Ubu mu bitaro harimo batanu. Ni coaster yabinjiranye irabagonga. Ntabwo bari abanjye gusa, harimo abakinira Java-Inovotec, aba Karongi Cycling Team, aba Musanze n’abandi. Ni benshi twari kumwe”.
Kugeza ubu bakomeretse barimo kwitabwaho mu bitaro bya Ruhengeri.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE