Abimukira 5,000 bamaze kwinjira mu Bwongereza kuva uyu mwaka watangira 

  • KAMALIZA AGNES
  • Mata 1, 2024
  • Hashize ibyumweru 2
Image

Umubare w’abimukira bamaze kwambuka bajya mu Bwami bw’u Bongereza bifashishije ubwato butoya umaze kugera ku bihumbi 5  kuva uyu mwaka wa 2024 watangira, ukaba ari imubare uri hejuru ya kimwe cya gatatu ugereranije n’umwaka ushize.

Ku wa Gatandatu tariki ya 30, abantu 349 ni bo bambutse banyuze mu mazi y’ahitwa channel, bituma umubare w’abamaze kugera mu Bwongereza mu buryo butemeww ugera ku 4,993. 

Kuroi Pasika na bwo haje ikindi gikundi cyatumye barenga 5000 muri Werurwe 2024, nubwo mu gihe Minisitiri w’Intebe w’u Bwongereza Rishi Sunak yiyemeje guhagarika urwi rujya n’uruza binyuze mu bufatanye bafitanye n’u Rwanda. 

Umubare w’abahageze wiyongereyeho kimwe cya gatatu ugereranyije na 3,793 bageze mu Bwongereza kugeza muri Werurwe 2023. 

Mu bwato 100 bwa mbere bwahageze mu 2024, impuzandengo y’abantu yabarirwaga muri buri bwato butoya yari 47, aho umwaka ushize  bari munsi ya 42.

Stephen Kinnock, umwe mu bagize Inteko Ishinga Amategeko y’u Bwongereza, yavuze ko umwaka watangiye Minisitiri w’Intebe Rishi Sunak, ndetse na Minisitiri w’Ubutegetsi bw’Igihugu James Cleverly, bashyizeho uburyo bwatumye hajyaho imibare idakenewe y’abagera muri iki gihugu.

Ati: “Uru mwaka watangiye Rishi Sunak na James Cleverly bigamba intsinzi ya gahunda yo guhagarika utwo twato none 

 byaatumye umubare w’abimukira urushaho kwiyongera.”

Ni mu gihe Umushinga w’itegeko  wo kohereza abo bimukira mu Rwanda  uri hafi kurangira, nubwo wagiye uhura n’imbogamizi nyinshi zirimo n’izirebana n’amategeko. 

Minisiteri y’Ubutegetsi bw’Igihugu, yavuze ko umubare w’abantu bambuka binyuranyije n’amategeko ukomeje kwiyongera werekana neza impamvu bagomba kubona indege zerekeza ku butaka bw’u Rwanda vuba bishoboka.

Yongeyeho ko  bashaka ko uyu mubare ugabanyuka ku kigero kirenga kimwe cya gatatu cy’umwaka ushize binyuze mu kubahiriza amategeko akaze n’amasezerano n’abafatanyabikorwa Mpuzamahanga, mu rwego rwo kurokora ubuzima bw’abantu no guhagarika aya amato.

  • KAMALIZA AGNES
  • Mata 1, 2024
  • Hashize ibyumweru 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE