Ngororero bibukijwe kwimakaza isuku hose

Ubuyobozi bwibukije ko isuku igomba kuba umuco, ntihasukurwe ahagaragara gusa.

Ubwo butumwa bwatanzwe ubwo hatangizwaga ‘Ukwezi kwahariwe ibikorwa by’inzego z’umutekano’ kuri uyu wa Gatatu tariki ya 3 Mata 2024, aho ubuyobozi bw’uUmurenge wa Ngororero bufatanije na DPU ya Ngororero bazindukiye mu bukangurambaga bwo kwimakaza isuku no kurwanya imirire mibi n’igwingira.

Insanganyamatsiko yagiraga iti: “Ngororero itekanye, isukuye, izira igwingira.

Umunyamabanga Nshingwabikorwa w’Umurenge wa Ngororero Mugisha Daniel, ubuyobozi bwa Police bibukije abaturage ko bagomba guhora barangwa n’isuku haba mu ngo, ku mubiri no ku myambaro.

Bagize bati: “isuku ntiyitabweho gusa ari uko tugiye gusenga, mu birori cyangwa turemye isoko ahubwo tuyigire umuco. Ntigaragare gusa inyuma ku nzu ahubwo yimakazwe no mu gikari by’umwihariko mu bwiherero.

Iki gikorwa cyitabiriwe n’ abakozi b’Umurenge, Utugari n’Imidugudu, ibigo by’amashuri byo mu Murenge wa Ngororero, ibigo by’imari, amakoperative, abacuruzi n’abaturage b’uyu Murenge.Mu ma santere y’ubucuruzi isuku iragenda yitabwaho homekwa amakaro (carreaux) ku nkuta z’inzu z’ubucuruzi.

Bamwe mu bari bitabiriye igikorwa bavuze ko bagiye gukaza ingamba z’isuku Aho batuye, nk’aho bakorera kuko isuku ari ubuzima , ndetse rugafasha guhangana n’indwara ziterwa n’umwanda.