Kigali: Umukingo wagwiriye abakozi 4 bubakaga hoteli umwe ahita apfa         

Umukingo w’aharimo  gutegurirwa kubakwa hoteli  wagwiriye abakozi bane barimo bacukura munsi yawo, umwe ahita ahasiga ubuzima mu gihe abandi batatu bakomeretse.

Iyo mpanuka yabereye mu Mudugudu wa Jabiro, Akagari ka Nyagatovu, Umurenge wa Kimironko mu Karere ka Gasabo, kuri uyu wa Mbere tariki ya 8 Mutarama 2024. 

Umuyobozi Nshingwabikorwa w’Akarere ka Gasabo Umwali Pauline, yemeje iby’iyi mpanuka, avuga ko abakomeretse bari kwitabwaho ku Bitaro Bikuru  bya Kibagabaga biherereye muri metero nkeya uvuye aho aho impanuka yabereye. 

Ati: “Ni byo koko kuri iyi shantiye habereye impanuka umukingo wamanutse ugwira abakozi bane barimo bacukura umwe ni we wahasize ubuzima abandi 3 barakomereka bajyanwe ku Bitaro bya Kibagaba barimo kwitabwaho.”

Bamwe mu bo Imvaho Nshya yasanze ahabereye impanuka, bavuga ko uwo mukingp ushobora kuba worohejwe n’imvura yaraye iguye muri Kimironko.