Imfu z’ababyeyi bapfa ugenda ugabanyuka mu Rwanda

Uko ubuvuzi bugenda butera imbere ari mu bumenyi buhabwa abaganga mu nzego zitandukanye, ikoreshwa ry’ibikoresho bigezweho byatumye ubuzima bw’umwana n’umubyeyi bibungabungwa,bigabanya imfu z’abana n’ababyeyi bapfaga batwite ndetse no mu gihe cyo kubyara.

Ubushakashatsi bwashyizwe ahabona na Minisiteri y’Ubuzima mu 2020, umubare w’abana bapfaga bavuka waragabanyutse uva ku bana 1,400/100.000 bavutse ari bazima mu 1990 ugera ku 320/100.000 bavutse ari bazima muri 2013.  Ibi byari bifite impuzandengo y’umwaka yo kugabanyuka kugera kuri 8,6 kuva 2000 kugeza 2013.

Ishami ry’Umuryango w’Abibumbye riheruka gutangaza raporo, mu bagore batwite bapfaga bazize kuva amaraso ni 25%, umuvuduko w’amaraso ni 16%, gukuramo inda ni 10% abapfa bazize ibibazo birimo nko kuvura kw’amaraso agafunga imitsi bari 2%.

Muri Mutarama 2023, Inteko Rusange y’Umutwe w’Abadepite, yagejejweho raporo ya Komisiyo y’Imibereho y’Abaturage ku isesengura rya raporo y’igenzura ryimbitse ryakozwe n’Umugenzuzi Mukuru w’Imari ya Leta kuri serivisi zo kwita ku bagore batwite n’abana bakivuka mu mavuriro ya Leta.

Igenzura ryakozwe  ry’ibanze ryo  kuva muri Nyakanga 2017 kugeza Kamena 2021, rikorerwa mu bitaro birindwi n’ibigo nderabuzima 12 bibishamikiyeho. Ibyo bitaro biri mu Turere twa Nyarugenge, Bugesera, Huye, Musanze, Rubavu, Gicumbi na Nyagatare,

Ryashingiye ku ntego ya Guverinoma y’u Rwanda yo guteza imbere ubuzima bw’abagore batwite ndetse n’abana bakivuka, gushyira imbaraga mu nzego zose z’ibigo by’ubuvuzi zatuma ubuzima muri rusange bwitabwaho kandi ku buryo burambye.

Gahunda ya Guverinoma y’imyaka 7 yo kwihutisha iterambere (NST1) iteganya ko impfu z’abagore n’abana bakivuka zizagabanyuka, abagore 210/100,000 bapfaga babyara mu 2013/2014 bakagera ku 126/100,000 mu 2024.

Abana 50/1,000 bapfaga bakivuka mu 2013/2014 bakagabanyuka bakazagera kuri 35/1,000 mu 2024.

Uko imyaka yagiye ikurikirana imfu zagiye zigabanyuka intego ikaba ari uko ku bagore, umubare ugera munsi y’imfu 70/100 000.