UEFA Champions League: Arsenal na PSG zitwaye neza

Arsenal yatsinze Olympiacos ibitego 2-0 naho Paris Saint Germain itsinda FC Barcelona ibitego 2-1 mu mikino y’Umunsi wa Kabiri w’Irushanwa rya UEFA Champions League rihuza amakipe yabaye aya imbere iwayo ku Mugabane w’u Burayi.

Iyi mikino yabaye mu ijoro ryo ku wa Gatatu, tariki ya 1 Ukwakira 2025.

Umukino wari utengerejwe na benshi wahuje Paris Saint Germain ifite igikombe giheruka yari yasuye FC Barcelona yo muri Espagne.

FC Barcelona yari mu rugo ni yo yatangiye neza umukono bidatsinze ku munota 19’ yafunguye amazamu ku gitego cyatsinzwe na Ferran Torres ku mupira mwiza yahawe na Marcus Rashford ari mu rubuga rw’amahina awushyira mu rushundura.

Ku munota wa 38, Paris. Saint Germain yabonye igitego cyo kwishyura cyinjijwe na Senny Mayulu ku mupira mwiza yahawe na Nuno Mendes.

Mbere y’uko umukino urangira ku munota 90, iyi kipe yo mu Bufaransa yatsinze igitego cya kabiri ku mupira wazamukanywe na Achraf Hakim awuha Rutahizamu Goncalo Ramos wari uhagaze neza awushyira mu izamu.

Umukino watangiye Paris Saint-Germain yatsinze ibitego 2-1.

Arsenal yo mu Bwongereza yari yakiriye Olympiacos yo mu Bugereki. Ni umukino warangiye iyi kipe yo mu Bwongereza itsinze ibitego 2-0 byatsinzwe na Gabriel Martinelli na Bukayo Saka.

Indi mikino yabaye yasize Monaco inganyije na Manchester City ibitego 2-2, Bayern Leverkusen inganyije igitego 1-1 na PSV, mu gihe Borussia Dortmund yanyagiye Atletico Bilbao ibitego 4-1, Napoli itsinnda Sporting ibitego 2-1, Villarreal yanganyije Ibitego 2-2 na Juventus, Qarabag yatsinze FC Copenhagen ibitego 2-0 mu gihe Newcastle yanyagiye Union St Gilloise ibitego 4-0.

Imikino y’Umunsi wa Gatatu izakinwa tariki ya 21 n’iya 22 Ukwakira 2025.