Marlen Reusser yegukanye Shampiyona y’Isi y’Amagare ya 2025 muri ITT y’Abagore

Umusuwisikazi Marlen Reusser ni we wegukanye Shampiyona y’Isi mu gusiganwa n’ibihe ibizwi nka Women Elite Individual Time Trial-ITT).

Marlen Reusser w’imyaka 34 yakoreshje iminota 43 n’amasegonda 9 ku ntera y’ibilometero 31,2. 

Yakurikiwe w’Umuholandikazi, Anna van der Breggen arusha amasegonda 51,89.

Ni mu gihe Umunya-Norvege, Katrine Aalerud, yabaye uwa gatatu yasizwe umunota umwe n’amasegonda 24.

Umugore wa Tadej Pogacar, Urška Žigart wo muri Slovenia, yabaye uwa cyenda yasizwe iminota itatu n’amasegonda 30.

Umunyarwandakazi waje imbere ni Nirere Xaverine aho yaje ku mwanya wa 27 akoresheje iminota 50,07 ku ntera y’ibilometero 31,2, arushwa iminota itandatu n’amagonda 58 n’umukinnyi wa mbere.

Ingabire Diane yabaye uwa 35 akoresheje iminota 52,57 aho yarushijwe n’umukinnyi wa mbere iminota icyenda n’amasegonda 48.

Abakinnyi 44 ni bo bahatanye muri iki cyiciro, babiri ba nyuma baba Abanya-Qatar bakurikiye Umunya-Uganda, Trinitah Namukasa.