UEFA Champions League: Real Madrid na Arsenal zatangiye neza 

Imikino ya UEFA Champions League ya 2025/26 yatangiye gukinwa, Arsenal yatsinze Atletico Club ibitego 2-0 naho Real Madrid Itsinda Olympic Marseille ibitego 2-1. 

Ku mugoroba wo ku wa Kabiri tariki 16 Nzeri 2025 ni bwo iri rushanwa rihuza amakipe yitwaye neza i Burayi yatangiye mu bihugu bitandukanye. 

Umukino wabimburiye indi yose wabereye kuri Estadio San Mamés cyo mu Mujyi wa Bilbao muri Espagne hagati ya Atletico Bilbao na Arsenal yo mu Bwongereza.

Iyi Kipe yo mu Bwongereza ntiyabonye amahirwe yo gutsinda mu gice cya mbere, gusa impinduka yakoze umukino ugiye kurangira mu gice cya kabiri zayibyariye umusaruro.

Gabriel Martinelli yatsinze igitego cya mbere muri uyu mukino ku munota wa 72 nyuma y’umunota umwe yinjiye mu kibuga asimbuye Eberechi Eze, mu gihe Leandro Trossard yagitsinze ku munota wa 87 yinjiye mu kibuga ku munota wa 65 asimbura Viktor Gyökeres.

Undi mukino wahuje Real Madrid ifite igikombe 15 yari yakiriye Olympique de Marseille yo mu Bufaransa, umukino urangira ari 2-1. Ni ibitego byombi byatsinzwe Kylian Mbappé ku ruhande rw’iyi Kipe y’i Madrid na Timothy Weah ku ruhande rw’iyo mu mujyi wa Marseille.

Ni umukino myugariro akanaba kapiteni wa Real Madrid, Dani Carvajal, yaherewemo ikarita itukura nyuma yo gukubita umutwe umunyezamu Geronimo Rulli.

Indi mikino yabaye yasize, Tottenham Hotspur yo mu Bwongereza itsinze Villareal yo muri Espagne igitego 1-0 cyinjijwe na Luiz Junior witsinze

Juventus yo mu Butaliyani yanganya ibitego 4-4 na Borussia Dortmund, Ikipe yo mu Budage yinjije ibitego cya Karim Adeyemi, Felix Nmecha, Yan Couto na Ramy Bensebaini, mu gihe iyo mu Butaliyani yatsindiwe na Kenan Yıldız, Lloyd Kelly na Dušan Vlahović winjije bibiri, bituma umukino urangira ari ibitego 4-4.

 PSV yo mu Buholandi yatsinzwe na Royal Union SG yo mu Bubiligi ibitego 3-1 ni mu gihe Benfica yo muri Portugal yatsindiwe mu rugo na Qarabag yo muri Azerbaijani ibitego 3-2. 

Imikino y’Umunsi wa mbere wa UEFA Champions League yose hamwe uko ari itandatu yabonetsemo ibitego 23. 

Imikino iteganyijwe kuri uyu wa Gatatu:

Olympiacos vs Pafos Slavia Praha vs Bodo Glimint Ajax vs Inter Milan Bayern Munchen vs Chelsea Liverpool vs Athletico Madrid PSG vs Atlanta