Emmanuel Okwi yasinyiye Police FC

Rutahizamu w’Umunya-Uganda, Emmanuel Okwi wakiniraga AS Kigali yerekeje muri Police FC asinya amasezerano y’umwaka.

Uyu Munya-Uganda yari amaze amezi abiri nta kipe afite nyuma yo gutandukana na AS Kigali yari amazemo umwaka.

Mu mwaka ushize w’imikino, Okwi yatsindiye AS Kigali ibitego icyenda anatanga imipira 13 ivamo ibindi isoreza ku mwanya wa Gatatu wa Shampiyona y’u Rwanda.

Police FC ibaye Ikipe ya gatatu Okwi nyuma ya Kiyovu Sports 2021/22 ndetse yanyuze mu makipe menshi muri Afurika nka Simba SC, Etoile du Sahel n’ahandi.

Nyuma yo kuva muri Kiyovu yagiye muri Al Zawraa na Erbil zo muri Iraq.

Okwi yiyongereye ku bandi bakinnyi iyi Kipe ya Polisi y’Igihugu yaguze muri iyi mpeshyi barimo Mugiraneza Frodouard, Nsengiyumva Samuel, Iradukunda Moria, Gakwaya Leonard, Kwitonda Alain Bacca, Ndayishimiye Dieudonné uzwi nka Nzotanga na Niyigena Abdoul yazamuye avuye muri Interforce FC.