Muhire Kevin wari kapiteni wa Rayon Sports yerekeje mu ikipe ya Jamus SC yo mu cyiciro cya mbere muri Sudani y’Epfo.
Ibi byatangajwe n’iyi kipe ibinyujije ku mbuga nkoranyambaga ihamagarira abafana bayo kwakira neza Muhire Kevin nk’umukinnyi wayo mushya ku kibuga cy’indege cya Juba International Airport kuri uyu wa Gatanu.
Ibi bibaye nyuma y’uko Muhire Kevin ukina mu kibuga hagati asatira arangije amasezerano y’umwaka muri Rayon Sports yakiniraga umwaka ushize anayibereye kapiteni.
Iyi kipe ya Jamus SC izitabira imikino Nyafurika CAF Champions League 2025/26 nyuma yo kwegukana igikombe cya Shampiyona.
Muhire Kevin si ubwa mbere agiye gukina hanze y’u Rwanda kuko yaherukaga muri Al Yarmouk ikina mu cyiciro cya kabiri muri Kuwait. Yakinnye kandi Misr lel-Makkasa yo mu Misiri na Saham Club yo muri Oman.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE