Umuyobozi Mukuru wa Polisi yakiriye Minisitiri w’Umutekano wa Centrafrique

  • KAYITARE JEAN PAUL
  • Gashyantare 22, 2024
  • Hashize amezi 2
Image

IGP Felix Namuhoranye, Umuyobozi Mukuru wa Polisi y’u Rwanda, yakiriye mu biro bye itsinda riyobowe na Michel Nicaise Nassin, Minisitiri w’umutekano muri Repubulika ya Centrafrique wagiriye uruzinduko ruzamara icyumweru mu Rwanda.

Ibiganiro byabereye ku cyicaro gikuru cya Polisi y’u Rwanda, Kacyiru, kuri uyu wa Kane tariki 22 Gashyantare 2024.

Michel Nicaise Nassin, Minisitiri w’umutekano muri Repubulika ya Centrafrique ari kumwe na General Landry Ulrich Depot, Umuyobozi Mukuru wa Jandarumori muri icyo gihugu.

Nicaise Nassin n’itsinda ayoboye bari mu Rwanda mu ruzinduko rugamije gushimangira ubufatanye hagati y’ibihugu byombi.

Ibiganiro by’aba bayobozi byitabiriwe n’Umuyobozi Mukuru Wungirije wa Polisi y’u Rwanda ushinzwe ubutegetsi n’abakozi (DIGP) Jeanne Chantal Ujeneza, Umuyobozi w’Ishami rishinzwe ibikorwa muri Polisi y’u Rwanda, CP George Rumanzi n’abandi bayobozi bakuru muri Polisi y’u Rwanda.

U Rwanda rusanganywe abapolisi basaga 700 muri Centrafrique bari mu butumwa bw’amahoro bwa Loni, barimo umutwe wihariye ugizwe n’abapolisi 140 bashinzwe kurinda abayobozi.

Umuyobozi Mukuru wa Jandarumori, Generali Landry Depot, mu kwezi kwa cumi 2023 yabwiye itangazamakuru ryo mu Rwanda ko bashimira ubuyobozi bw’u Rwanda by’umwihariko uruhare rugira mu kubaka inzego z’umutekano muri Centrafrique cyane ko abapolisi n’abajandarume 50 bari ku masomo ya gipolisi mu Rwanda.

Amafoto: RNP

  • KAYITARE JEAN PAUL
  • Gashyantare 22, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE