Tour du Rwanda 2022: Boileau yegukanye intera ya  7,  Tesfazion yongera amahirwe yo kwegukana isiganwa

Kigali-Gicumbi-Kigali (152.6 km)

1. Boileau Alan 03h41’20”

2. Goldstein Omer 03h41’23”

3. Marchand Gianni 03h41’31”

4. Ourselin Paul 03h42’10”

5. Tesfazion Natnael 03h42’12”

Urutonde rusange  (867 km)

1. Tesfazion Natnael 21h15’25”

2. Budiak Anatolii 21h15’51”

3. Ewart Jesse 21h16’14”

4. Madrazo Ruiz Angel 21h16’23”

5. Mulueberhan Henok 21h16’46”

Imyanya Abanyarwanda bariho

10. Manizabayo Eric  21h18’00”

13. Muhoza Eric 21h18’28”

18.  Uwiduhaye 21h26’50”

19.  Nsengimana Jean Bosco 21h27’33”

20. Niyonkuru Samuel21h27’56”

27.  Mugisha Moise 21h34’53”

30.  Iradukunda Emmanuel 21h37’19”

50.  Byukusenge Patrick 21h56’52”

53.  Rugamba Janvier 22h01’54”

60. Hakizimana Seth 22h11’06”

Taliki 27-02-2022

Kigali-Kigali (75, 3 km)

Boileau Alan ukinira ikipe ya B&B Hotels-KTM mu  Bufaransa yegukanye intera ya 7 ari na yo ibanziriza iya nyuma  muri Tour du Rwanda 2022, Tesfazion Natnael akomeza kuyobora  urutonde rusange ndetse yongera amahirwe yo kwegukana iri siganwa.

Intera ya 7, abasiganwa bahagurukiye i Nyamirambo berekeza  i Gicumbi bagaruka i Kigali basoreza kuri Mont Kigali  ku ntera ya kilometero 152,6.  Boileau Alan  yegukanye iyi ntera akoresheje amasaha 3, iminota 41 n’amasegonda 20, ku mwanya wa kabiri haje  Goldstein Omer  ukinira ikipe ya Israel – Premier Tech wakoresheje amasaha 3, iminota 41 n’amasegonda 23 na ho ku mwanya wa 3 haza  Marchand Gianni    wakoresheje amasaha 3, iminota 41 n’amasegonda 31.

Tesfazion Natnael ukomoka muri Eritrea akaba akinira ikipe ya Drone Hopper-Androni mu Butaliyani   yasoreje ku mwanya wa 5 aho yakoresheje amasaha 3, iminota 42 n’amasegonda 12 akomeza kuyobora urutonde muri rusange aho muri kilometero  867  amaze gukoresha amasaha 21, iminota 15 n’amasegonda 25, ku mwanya wa kabiri hari Budiak Anatolii umaze gukoresha amasaha 21, iminota 15 n’amasegonda 51 naho ku mwanya wa 3 hari Ewart Jesse umaze gukoresha amasaha 21, iminota 16 n’amasegonda 14.

Uhiriwe na we yavuye mu isiganwa

Nyuma ya Mugisha Samuel wavuyemo ku ntera ya 5 aho atakinnye intera ya 6, Uhiriwe Byiza Renus wakiniraga ikipe y’u Rwanda  na we  nta bwo yasoje intera ya 7. Abandi bakinnyi batasoje isiganwa ni Münstermann Per Christian (Saris Rouvy Sauerland Team)  na Nielsen Andreas Stokbro (Team COOP).

Intera ya nyuma irakinirwa muri Kigali

Kuri iki cyumweru taliki 27 Gashyantare 2022 Tour du Rwanda 2022 irasozwa hakinwa intera ya nyuma ya 8 ikaba iri bukinirwe muri Kigali.

Abasiganwa baratangirira kuri Canal Olympia (Rebero) – Roundabout Rebero – Gikondo Merez 2 – Roudabout Merez1 – Junction Rwandex 1 – Kanzaire – Kanogo Roundabout – Rugunga – Cercle Sportif – Rwampara –  Segemu – Ecole Congolaise- Roundabout Mereze1 – Merez2 –  Roundabout Rebero – Kimisange – Miduha – ERP – Tapi Rouge – Kimisagara – Kwa mutwe – ONATRACOM – College APACOPE – Junction Yamaha – Kinamba – Poid Lourds –Roundabout Kanogo – Rugunga – Cercle Sportif – Rwampara – Segemu – Ecole Congolaise – Round About Merez – Mereze 2 – Roundabout Rebero. Barazenguruka inshuro 3 basoreze kuri Canal Olympia  bakoze intera ya kilometero  intera 75, 3.