Rusizi: Imodoka yabuze feri ihitana shoferi n’abagore babiri atwaye

  • BAHUWIYONGERA SYLVESTRE
  • Gashyantare 7, 2024
  • Hashize ibyumweru 4
Image

Abagore babiri n’umushoferi wari ubatwaye baguye mu mpanuka ikomeye yabereye mu Mudugudu wa Bisenyi, Akagari ka Kabuye, Umurenge wa Nyakarenzo, Akarere ka Rusizi ahagana saa kumi n’ebyiri n’igice z’igitondo cyo kuri uyu wa Gatatu tariki 7 Gashyantare 2024.

ABaguye mu mpanuka ni uwo mushoferi witwa Mbonimpa Jean Damascène, wari utwaye abagore 2 ari bo Mukankurunziza Agnès w’imyaka 36 na Nsekanabo Verdianna w’imyaka 52.

Imodoka yakoze impanuka ni iyo mu bwoko bwa KIA abo bagore bahaga ikiraka cyo kubatundira imboiga n’imbuto bajya kurangura mu isoko rya Gishoma, Umurenge wa Rwimbogo.

Abo bagore bari bazinzukiye kurangura nk’uko bisanzwe, bagiye kugera ku isoko imodoka ibura feri, umushoferi ayigongesha igiti mu gihe we n’abo yari ahetse bari bicaye imbere.

Ntawizera Jean Pierre, Umunyamabanga Nshingwabikorwa w’Umurenge wa Nyakarenzo wabereyemo impanuka, yabwiye Imvaho Nshya ko uwo mushoferi aturuka mu Murenge wa Kamembe kandi ngo yari asanzwe atwara imizigo.  

Ni mu gihe abo bagore na bo basanzwe bacuruza imboga n’imbuto, ati: “Yari abajyanye kuzirangura mu isoko rya Gishoma kuko uyu munsi riba ryaremye, bamara kuzirangura akazibapakirira akazibazanira aho bazicururira mu Murenge wa Mururu. Muri icyo gihe bagenda imodoka nta muzigo wundi wari urimo.”

Yakomeje agira ati: “Imodoka yageze nko muri meteri 100 gusa ngo ugere muri santere y’ubucuruzi ya Mashya mu Murenge wacu wa Nyakarenzo ibura feri, umushoferi agerageza gukora ibishoboka byose ngo ayihagarike biranga, ayikubita ku giti cyari gihari.

Abari bari muri iyo modoka bose uko ari batatu bari bicaye imbere bahise bapfa nyuma yo kugonga igiti, Polisi n’ubuyobozi b’Inzego z’ibanze bakaba bahise batabara aho bahise bajyana imirambo yabo miu Bitato bya Gihundwe.

Uyu Muyobozi yavuze ko bishoboka ko umushoferi yatwaye iyi modoka atabanje kuyisuzuma cyangwa kuyisuzumisha neza, asaba ko abatwara ibinyabiziga bajya babanza kureba ko byaba bimeze neza mbere yo kubijyana mu muhanda.

Imodoka yahise yangirika bikomeye ariko ku bw’amahirwe nta mugenzi wigenderaga yahitanye.

Polisi n’abayobozi b’inzego z’ibanze bahise batabarira hafi
  • BAHUWIYONGERA SYLVESTRE
  • Gashyantare 7, 2024
  • Hashize ibyumweru 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE